पुसका लागि नयाँ ब्याजदर सार्वजनिक, ३ बैंकले घटाउँदा ३ वटाले बढाए

बैंकिङ

गृहपृष्ठ
बैंकिङ

पुसका लागि नयाँ ब्याजदर सार्वजनिक, ३ बैंकले घटाउँदा ३ वटाले बढाए

क्यापिटल नेपालआइतबार, मंसिर ३०, २०८१

काठमाडौं। वाणिज्य बैंकहरुले पुसका लागि ब्याजदर घोषणा गरेका छन्। मंसिरमा २० वटा वाणिज्य बैंकको ब्याजदर औषतमा ५.९७ प्रतिशत रहेकामा पुसमा ०.०५ प्रतिशत बिन्दुले बढेर ६.०२ प्रतिशत बिन्दुमा पुगेको हो।

पुसमा बैंकहरुले ०.०५ प्रतिशत बिन्दुले ब्याजदर बढाएका छन्।

मंसिरको तुलनामा पुसमा तीन वटा बैंकले ब्याजदर घटाएका छन् भने तीन वटाले बढाएका छन्। बाँकी १४ वटा बैंकले मंसिरको ब्याजदर यथावत् राखेका छन्।

ब्याजदर बढाउनेमा एनएमबी, प्राइम र कृषि विकास बैंक रहेका छन्। एनएमबीले १.०३ प्रतिशत बिन्दुले ब्याजदर बढाएर ६.६ प्रतिशत, प्राइमले ०.५ प्रतिशत बिन्दुले बढाएर ६.२५ प्रतिशत र कृषि विकास बैंकले ०.०४ प्रतिशत बिन्दुले बढाएर ५.५७ प्रतिशत पुर्याएका छन्।

पुसमा ब्याजदर घटाउनेमा एनआईसी एसिया, सानिमा र नेपाल बैंक रहेका छन्।

एनआईसीले मंसिरको तुलनामा ब्याजदर ०.१९ प्रतिशत बिन्दुले घटाएर ६.६ प्रतिशत, सानिमा बैंकले ब्याजदर ०.१ प्रतिशत बिन्दुले घटाएर ६.०५ प्रतिशत पुर्याएको छ भने नेपाल बैंकको ब्याजदर ०.३५ प्रतिशत बिन्दुले घटाएर ५.६ प्रतिशत रहेको छ। बाँकी १४ बैंकको ब्याजदर मंसिरकै कायम छ।