सात वर्षको निलम्बनपछि पीआईएले अमेरिका उडान गर्ने

पर्यटन

गृहपृष्ठ
पर्यटन

सात वर्षको निलम्बनपछि पीआईएले अमेरिका उडान गर्ने

क्यापिटल नेपालशनिबार, मंसिर २९, २०८१

काठमाडौं। पाकिस्तान सरकारी स्वामित्वको पाकिस्तान इन्टरनेसनल एयरलाइन्स (पीआईए) ले सात वर्षको निलम्बनपछि अमेरिकामा उडान सुचारु गर्ने भएको छ। अमेरिकामा उडान सुरु हुनु उड्डयन क्षेत्रका लागि महत्त्वपूर्ण विकास भएको एआरवाई न्यूजले जनाएको छ।

अमेरिकी संघीय उड्डयन प्रशासन (एफएए) बीच विचाराधीन वित्तीय दायित्व समाधान गर्न समझदारी पत्र (एमओयू) मा हस्ताक्षर भएको छ।

पाकिस्तान नागरिक उड्डयन प्राधिकरणका महानिर्देशक नादिर शफी दारका अनुसार एफएएलाई भुक्तान छिट्टै हुने अपेक्षा गरिएको छ। एफएए प्रतिनिधिमण्डललाई फेब्रुअरी वा मार्चमा पाकिस्तान भ्रमण गर्ने मार्ग प्रशस्त हुनेछ।

एआरवाई न्यूजका अनुसार यसले पाकिस्तानलाई एफएएसँग ‘श्रेणी एक’ स्थितिमा पुनः वर्गीकृत गर्ने सम्भावना बढाउँछ, जसले अमेरिकाका लागि सीधा उडान पुनः सुरु गर्न अनुमति दिनेछ। पीआईएको अमेरिकी उडान सन् २०१७ मा निलम्बन गरिएको थियो।

सरकारले तीन वटा विद्युत वितरण कम्पनीसहित पीआईएको निजीकरण वर्षको अन्त्यसम्म सम्पन्न गर्ने योजना रहेको छ। सुरुमा अक्टोबर १ सम्ममा टुंग्याउने गरी निजीकरण प्रक्रिया चलिरहेको नागरिक उड्डयनले जनाएको छ।–एजेन्सी

प्रकाशित मिति: शनिबार, मंसिर २९, २०८१ १८:२२

प्रतिक्रिया दिनुहोस्