एनसेलको साप्ताहिक फ्ल्यास सेल्स अफर

कर्पोरेट बजार

गृहपृष्ठ
कर्पोरेट बजार

एनसेलको साप्ताहिक फ्ल्यास सेल्स अफर

क्यापिटल नेपालशनिबार, मंसिर २९, २०८१

काठमाडौं। मोबाइल सेवाप्रदायक कम्पनी एनसेलले साप्ताहिक फ्ल्यास सेल्स अफर सार्वजनिक गरेको छ। योजनामा प्याक लिएर अफरमा सहभागी हुने प्रत्येक ग्राहकलाई प्रत्येक शनिबार डेटा वा भ्वाइस टक टाइम बोनस दिइने कम्पनीले बताएको छ।

शनिबार मात्र उपलब्ध हुने अफरले ग्राहकलाई कुनै अतिरिक्त शुल्क नतिरी थप सेवा उपलब्ध गराउनेछ। हरेक शनिबार ग्राहकले सधैं अनका निश्चित प्याक र अनलिमिटेड डेटा प्याक खरिदमा बोनस डेटा वा भ्वाइस टक टाइमको फाइदा लिन सक्ने कम्पनीको भनाइ छ।

प्याकका आधारमा ग्राहकले १ जिबीदेखि १० जीबी डेटा वा १० देखि १०० मिनेटसम्मको अननेट टक टाइम बोनस प्राप्त गर्नेछन्। यो अफर लिन ग्राहकले आफ्नो डिभाइसमा एनसेल एप राख्नुपर्ने कम्पनीले जनाएको छ।

यो अफर सधैं अनका ३९९ देखि ९९९ रुपैयाँसम्मका प्याक र ५०, १२५ र ९९९ रुपैयाँका अनलिमिटेड डेटा प्याकमा उपलब्ध हुनेछ। मंसिर २२ बाट सुरू यो अफर पुस १३ सम्म लागू हुनेछ।

प्रकाशित मिति: शनिबार, मंसिर २९, २०८१ १३:४९

प्रतिक्रिया दिनुहोस्