हिरो मोटोकर्पद्वारा नेपालमा एक्स्ट्रिम सिरिज सार्वजनिक घोषणा, आकर्षक डिजाइनको संयोजन

अटो

गृहपृष्ठ
अटो

हिरो मोटोकर्पद्वारा नेपालमा एक्स्ट्रिम सिरिज सार्वजनिक घोषणा, आकर्षक डिजाइनको संयोजन

क्यापिटल नेपालबुधबार, मंसिर २६, २०८१

काठमाडौं। हिरो मोटोकर्पले रोमाञ्चक नयाँ बाइक सार्वजनिक गर्ने घोषणा गरेको छ। हिरो मोटोकर्पले नयाँ उत्पादन एक्स्ट्रिम १२५ र एक्स्ट्रिम १६० नेपालमा सार्वजनिक गर्ने घोषणा गरेको छ।

बहुप्रतीक्षित यी दुवै बाइक आगामी मंसिर २६ मा गोकर्ण फरेस्ट रिसोर्टमा सार्वजनिक गरिने कम्पनीले जानकारी दिएको हो। नयाँ बाइकले अटोमोबाइलप्रेमी र बिक्रेतालाई अविस्मरणीय अनुभव दिने दाबी कम्पनीको छ।

एक्स्ट्रिम सिरिज उच्च प्रदर्शन, अत्याधुनिक विशेषता र साहसी तथा आकर्षक डिजाइनको उत्कृष्ट संयोजन रहेको कम्पनीको भनाइ छ।
एक्स्ट्रिम १२५ का मुख्य विशेषता
सिंगल च्यानल एबीएस
सुरक्षित यात्रा तथा सवारीका लागि उन्नत ब्रेकिङ प्रविधि
श्रेणीकै सर्वाधिक तीव्र
सर्वाधिक गति र तीव्रताको समायोजनसहितको रोमाञ्चक सवारी
फराकिलो रियर टायर
सुरक्षित यात्राका लागि स्थिरता र उत्कृष्ट नियन्त्रण प्रदान गर्न फराकिलो रियर टायर
एलईडी हेडलाइट्स
सुदृढ दृष्य तथा यात्रामा सुरक्षार्थ नवप्रवर्तनात्मक प्रविधिसहितको एलईडी हेडलाइट सुविधा
ब्लूटूथ कनेक्टिभिटी
चालकका लागि सुदृढ सहजता, सुरक्षा र मनोरञ्जन सुविधा

एक्स्ट्रिम १६०का मुख्य विशेषता
श्रेणीकै सर्वाधिक गति क्षमता
तीव्र गतिको चाहना राख्नेका लागि विशेष रूपमा डिजाइन गरिएको यो बाइकमा रोमाञ्चक अनुभूतिका साथै सुरक्षाका लागि आवश्यक संयन्त्रको उचित व्यवस्था
केवाईबी फ्रन्ट यूएसडी सस्पेन्सन
प्रभावकारी फ्रन्ट ब्रेकिङ प्रणालीको व्यवस्थाले आरामदायी, नियन्त्रित र सहज यात्राको सुनिश्चितता
ब्लूटूथ कनेक्टिभिटी
चालकका लागि सुदृढ सहजता, सुरक्षा र मनोरञ्जन सुविधा

सार्वजनिकको तयारीमा रहेको नयाँ सिरिजले हिरो मोटोकर्पको गुणस्तर, नवप्रवर्तन र उत्कृष्ट सवारी अनुभवप्रतिको प्रतिबद्धतालाई अझ प्रस्ट्याउन सघाउने कम्पनीको विश्वास छ।

प्रकाशित मिति: बुधबार, मंसिर २६, २०८१ ११:३२

प्रतिक्रिया दिनुहोस्