यामाहाद्वारा काठमाडौंमा क्षेत्रीय रिजनल सेल्स स्किल्स प्रतियोगिता, विकास रञ्जितकार पहिलो विजेता

कर्पोरेट बजार

गृहपृष्ठ
कर्पोरेट बजार

यामाहाद्वारा काठमाडौंमा क्षेत्रीय रिजनल सेल्स स्किल्स प्रतियोगिता, विकास रञ्जितकार पहिलो विजेता

क्यापिटल नेपालबुधबार, मंसिर २६, २०८१

काठमाडौं। यामाहा नेपालले काठमाडौंमा रिजनल सेल्स स्किल्स कन्टेस्ट आयोजना गरेको छ। बिक्री विशेषज्ञता र उत्पादन ज्ञानमा उत्कृष्टताको उत्सव मनाउने क्रममा काठमाडौंका आयोजित प्रतिस्पर्धामा यामाहाका विभिन्न डिलरसिपबाट ११ जना शीर्ष प्रदर्शन गर्ने बिक्री परामर्शदाता सहभागी थिए।

प्रतियोगिताका लागि योग्य हुन सहभागीले अटो बेसिक, प्रोडक्ट र सलेस प्रोसेस प्रशिक्षण र त्यसपछि उनीहरूको दक्षता मूल्यांकन गर्ने प्रतिस्पर्धात्मक परीक्षण पूरा गरेका थिए।

प्रतियोगितामा द व्हील्स प्रालि, सल्लाघारीका विकास रञ्जितकार विजेता बनेका थिए। पहिलो रनरअपमा कुश्मा देवकोटा, एमएडब्लू प्रालि बल्खु र दोस्रो रनरअपमा सुमित महर्जन, गोर्खा मनकामना अटो इन्टरप्राइज, रातोपुल रहेका छन्।

प्रतियोगितामा काठमाडौंका यामाहा डिलरसिप र सोरुम सहभागी थिए। यामाहा नेपालका कार्यकारी निर्देशक र प्रमुख कार्यकारी अधिकृत दीपक कुमार अग्रवालले विजेता, पहिलो रनर(अपर दोस्रो रनर(अपलाई ट्रफी र प्रमाणपत्र प्रदान गरेका थिए।

सबै सहभागीले आ-आफ्नो प्रयास र ब्रान्डको मूल्यप्रतिको प्रतिबद्धताको मान्यतास्वरूप प्रशंसाको प्रतीकको रूपमा सहभागिताको प्रमाणपत्र प्राप्त गरेका थिए।

प्रकाशित मिति: बुधबार, मंसिर २६, २०८१ १०:५४

प्रतिक्रिया दिनुहोस्