नबिल बैंकद्वारा मुख्य कार्यालयबाट अपोइन्टमेन्ट बैंकिङ प्रणाली सुरु, ग्राहकले रोजेको समय सेवा

कर्पोरेट बजार

गृहपृष्ठ
कर्पोरेट बजार

नबिल बैंकद्वारा मुख्य कार्यालयबाट अपोइन्टमेन्ट बैंकिङ प्रणाली सुरु, ग्राहकले रोजेको समय सेवा

क्यापिटल नेपालसोमबार, मंसिर २४, २०८१

काठमाडौं। नबिल बैंकले मुख्य कार्यालयबाट अपोइन्टमेन्ट बैंकिङ प्रणाली सुरुआत गरेको छ। बैंकले ग्राहक सुविधालाई लक्षित गरेर व्यस्त समयको व्यवस्थापन गरी छरितो सुविधा दिने उद्देश्यले यस्तो प्रणाली सुरु गरेको हो।

यो तत्कालका लागि केन्द्रीय कार्यालय तीनधाराबाट उपलब्ध गराइने बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले बताए। अपोइन्टमेन्ट बैंकिङ प्रणालीले समय व्यवस्थापनमा सहयोग गर्ने, कुशल सेवा उपलब्ध गराउने उनको भनाइ छ।

नबिलले व्यस्त पेसाकर्मी तथा व्यवसायीलाई लक्षित गरी नवीनतम प्रविधिमा आधारित अपोइन्टमेन्ट बैंकिङ प्रणाली प्रयोग गरेर ग्राहकले चाहेको समय बैंकबाट सेवा लिन सक्नेछन्। नगद र चेक कारोबारजस्ता अत्यावश्यक बैंकिङ सुविधा लिनका यो सुविधा लिन सकिने बैंकले जनाएको छ।

यो प्रणाली समय व्यवस्थापनका लागि उपयुक्त हुनेछ भने ग्राहकले बैंकको वेबसाइट वा एनबैंक एपमार्फत सजिलै अपोइन्टमेन्ट बुक गर्न सक्ने व्यवस्था छ। हाल बैंकले २६८ शाखा र ३२० एटिएमबाट बैंकिङ सेवा दिँदै आएको छ।

प्रकाशित मिति: सोमबार, मंसिर २४, २०८१ ११:४१

प्रतिक्रिया दिनुहोस्