बीएन्डबीको व्यापारमा उछाल, वर्षदिनमै २ अर्ब पुग्याे काराेबार

कर्पोरेट बजार

गृहपृष्ठ
कर्पोरेट बजार

बीएन्डबीको व्यापारमा उछाल, वर्षदिनमै २ अर्ब पुग्याे काराेबार

क्यापिटल नेपालशनिबार, मंसिर २२, २०८१

काठमाडौं। बी एन्ड बी हस्पिटल प्रालिले गत वर्ष (सन् २०२४) मा १ अर्ब ९५ करोड ९० लाख रुपैयाँ बराबरको आम्दानी गरेको छ । यो सन् २०२३ को भन्दा ३७.३७ प्रतिशत धेरै हो । सन् २०२३ मा यस हस्पिटलले १ अर्ब ४२ करोड ६० लाख, सन् २०२२ मा १ अर्ब ३२ करोड ७० लाख, सन् २०२१ मा ९४ करोड ८० लाख र सन् २०२० मा ८५ करोड ९० लाख रुपैयाँ आम्दानी गरेको रेटिङ एजेन्सी इक्रा नेपाल लिमिटेडले जनाएको छ ।

बी एन्ड बी अस्पतालले विगत केही वर्षमा स्थिर रुपमा आम्दानी वृद्धि गरेको छ । जसमा २०७९/८० सम्मका पछिल्ला ४ आर्थिक वर्षहरुको औसत वार्षिक वृद्धिदर करिब १४ प्रतिशत रहेको छ । आर्थिक वर्ष २०७९/८० मा करिब ३७ प्रतिशतको वृद्धिको मुख्य कारण अस्पतालले फार्मेसी सञ्चालनलाई समेटेर (पहिले फरक कम्पनीअन्तर्गत रहेको) गरेको एकीकरण हो ।

नोभेम्बर सन् १९९४ मा स्थापना भएको बी एन्ड बी अस्पताल प्राइभेट लिमिटेड ललितपुरको ग्वार्कोमा अवस्थित ३०० शैया क्षमताको अनुमति प्राप्त अस्पताल हो । यो अस्पतालले चिकित्सा, शल्यक्रिया सम्बन्धी सेवाहरुको प्रदान गर्दछ । सुरुका दिनहरुमा यो अस्पतालले हड्डी सम्बन्धी, मूत्र रोग र सामान्य शल्यक्रिया क्षेत्रमा ध्यान केन्द्रित गरे पनि पछिल्ला वर्षहरुमा यसले कार्डियोलोजी (हृदय रोग), न्यूरोलोजी (स्नायु विज्ञान), अनकोलोजी (क्यान्सर विज्ञान) जस्ता सेवाहरुमा आफ्नो दायरा विस्तार गरेको छ ।

हस्पिटलले १ अर्ब ४० लाख रुपैयाँ बैंक कर्जाका लागि रेटिङ गराएका छन् । जसमध्ये लङ ट्रम ९४ करोड ९० लाख रुपैयाँका लागि ‘इक्राएनपी एबीबीबी’ र सर्ट ट्रम ५ करोड ५० लाख रुपैयाँका लागि ‘इक्रा एनपी ए४ प्लस’ रेटिङ पाएको छ ।

प्रकाशित मिति: शनिबार, मंसिर २२, २०८१ १५:००

प्रतिक्रिया दिनुहोस्