सरकारी नम्बर प्लेटका गाडीबाट प्रहरीले बरामद गर्‍याे ६ सय किलो गाँजा

समाज

गृहपृष्ठ
समाज

सरकारी नम्बर प्लेटका गाडीबाट प्रहरीले बरामद गर्‍याे ६ सय किलो गाँजा

क्यापिटल नेपालबुधबार, मंसिर १९, २०८१

सुनसरी। प्रहरीले सुनसरीको धरानबाट मंगलबार राती ६ सय किलो गाँजा बरामद गरेको छ। धरान उपमहानगर-१३ शिवधाराबाट प्रहरीले उक्त गाँजा बरामद गरेको हो।

गाँजा बरामद गर्ने क्रममा प्रहरीले चार राउण्ड गोलीसमेत प्रहार गरेको सुनसरीका प्रहरी उपरीक्षक सुमनकुमार तिमल्सिनाले जानकारी दिए।

धनकुटाबाट धरानतर्फ आउँदै गरेकोे अवस्थामा प्रहरीले बा१झ ५१२७ र बा१झ ४६०५ सरकारी नम्बर प्लेटका दुई वटा जिपलाई मंगलबार राती नियन्त्रणमा लिएको थियो। दुवै जिपलाई रोकेर जाँच गर्न खोज्दा चालक भाग्न खोजेपछि प्रहरीले गोली हानेर गाँजा बरामद गरेको जिल्ला प्रहरी कार्यालयले आयोजना गरेको पत्रकार सम्मेलनमा उनले बताए।

धनकुटाबाट गाँजा ल्याइँदै छ भन्ने सूचनाका आधारमा इलाका प्रहरी कार्यालय धरान र वडा प्रहरी कार्यालय भानुचोकबाट खटिएको प्रहरी टोलीले गाँजा बरामद गरेको हो।

गाँजा बरामद गर्ने क्रममा प्रहरीले एक जनालाई पक्राउ गरेको छ। पक्राउ पर्नेमा मोरङको सुन्दरहरैचा–११ का ३६ वर्षीय श्यामकुमार विक रहेका छन्। उनलाई इलाका प्रहरी कार्यलय धरानमा राखेर अनुसन्धान भइरहेको प्रहरीले जनाएको छ।

प्रकाशित मिति: बुधबार, मंसिर १९, २०८१ १६:००

प्रतिक्रिया दिनुहोस्