१० वर्षदेखि राेकियाे राष्ट्रिय जीवन बिमा कम्पनीको लेखा परीक्षण , छिटो गर्न अर्थको निर्देशन

बैंकिङ

गृहपृष्ठ
बैंकिङ

१० वर्षदेखि राेकियाे राष्ट्रिय जीवन बिमा कम्पनीको लेखा परीक्षण , छिटो गर्न अर्थको निर्देशन

क्यापिटल नेपालबुधबार, मंसिर १९, २०८१

काठमाडौं। अर्थ मन्त्रालयले राष्ट्रिय जीवन बिमा कम्पनीलाई चार महिनामा लेखा परीक्षण सकिसक्न निर्देशन दिएको छ।

राष्ट्रिय जीवन बिमा कम्पनीका पदाधिकारीसहित अर्थ मन्त्रालयमा आज भएको बैठकमा उपप्रधान एवं अर्थमन्त्री विष्णुप्रसाद पौडेलले लामो समयसम्म लेखा परीक्षण नहुनु कसैका लागि पनि हितकर नभएकाले चाँडो गर्न निर्देशन दिएका हुन्।

उनले लेखा परीक्षण सम्पन्न गर्न आवश्यक पर्ने सहयोग उपलब्ध गराउन सरोकारवालालाई निर्देशन दिए।

राष्ट्रिय जीवन बिमा कम्पनीको आर्थिक वर्ष २०७१/७२ देखि अन्तिम लेखा परीक्षण सम्पन्न हुन सकेको छैन। बैठकमा अन्तिम लेखा परीक्षण सम्पन्न भएपछि मात्र राष्ट्रिय जीवन बीमा कम्पनीको साधारणसभा आयोजना गर्ने कुरा भएको छ।

बैठकमा महालेखा परीक्षक कार्यालय, नेपाल बिमा प्राधिकरण, अर्थ मन्त्रालय, राष्ट्रिय जीवन बिमा कम्पनीका पदाधिकारीका उपस्थित थिए।

प्रकाशित मिति: बुधबार, मंसिर १९, २०८१ १६:०६

प्रतिक्रिया दिनुहोस्