एमएडब्लू ग्रुप फोटोन ग्लोबल अवार्ड्समा सम्मानित

कर्पोरेट बजार

गृहपृष्ठ
कर्पोरेट बजार

एमएडब्लू ग्रुप फोटोन ग्लोबल अवार्ड्समा सम्मानित

क्यापिटल नेपालसोमबार, मंसिर १७, २०८१

काठमाडौं। विद्युतीय सवारी साधन (ईभी) को क्षेत्रमा नेतृत्व र बिक्री कार्यसम्पादनका लागि एमएडब्लू ग्रुपले प्रतिष्ठित फोटोन ग्लोबल अवार्ड २०२४ मा दुई वटा महत्वपूर्ण सम्मान प्राप्त गर्दै विश्वव्यापी मञ्चमा मान्यता स्थापित गरेको छ।

अवार्ड कार्यक्रममा एमएडब्लू ग्रुपका प्रबन्ध निर्देशक विष्णुकुमार अग्रवाललाई लिडरशिप इन न्यु इनर्जी प्रोमोसन अवार्ड २०२४ प्रदान गरिएको थियो। यो मान्यताले नेपालमा फोटोन ईभी सवारी साधन अपनाउँदै दिगो ऊर्जा समाधानतर्फ राष्ट्रको यात्रामा अग्रणी भूमिका निर्वाह गर्ने एमएडब्लू वृद्धि कमर्सियलको महत्त्वपूर्ण भूमिकालाई सम्मान गर्दछ।

ग्रुपलाई थप पहिचान दिलाउने क्रममा एमएडब्लू वृद्धि कमर्सियलका सीईओ तुषार गुप्ताले नेपालमा ईभी भ्यानका लागि एक्सेलेन्स इन सेल्स अवार्ड २०२४ प्राप्त गरे। अवार्डहरू फोटोन ग्रुपका उपाध्यक्ष र फोटोन ओभरसिज बिजनेसका अध्यक्ष फूले प्रदान गरेका थिए।

यी अवार्डले नेपालमा ‘इनर्जी(इफिसियन्ट’ गतिशीलतालाई अगाडि बढाउन एमएडब्लू ग्रुपको अटल समर्पणलाई पुनः पुष्टि गरेको कम्पनीको भनाइ छ।

दिगोपनका लागि विद्युतीय सवारीसाधनलाई विस्तार गरेर समूहले राष्ट्रको अटोमोटिभ उद्योगमा नयाँ मानक स्थापित गरेको छ। फोटोन ग्लोबलले दिगो ऊर्जा र गतिशीलतामा एमएडब्लू ग्रुपको परिवर्तनकारी योगदानलाई स्वीकार गरेको कम्पनीले जनाएको छ।

प्रकाशित मिति: सोमबार, मंसिर १७, २०८१ ११:५५

प्रतिक्रिया दिनुहोस्