साइमेक्स इंकद्वारा १०० विद्युतीय गाडी डेलिभरी

अटो

गृहपृष्ठ
अटो

साइमेक्स इंकद्वारा १०० विद्युतीय गाडी डेलिभरी

क्यापिटल नेपालशुक्रबार, मंसिर ७, २०८१

काठमाडौं। बिवाईडीको ३०औं वार्षिकोत्सव र १ करोड न्यू इनर्जी भेइकल उत्पादन अवसरमा साइमेक्स इंकले नेपालभर १०० युनिट विद्युतीय गाडी डेलिभरी गरेको छ।

यस उपलब्धिले नेपाललाई दिगो यातायाततर्फ उन्मुख गराएको र हरित भविष्यप्रति बिवाईडीले देखाएको प्रतिबद्धता झल्किने कम्पनीले जनाएको छ। वार्षिकोत्सव अवसरमा १०० विद्युतीय गाडी डेलिभरीले नेपालको दिगो यातायात समाधानप्रतिको रुचि र बिवाईडीको प्रविधिमाथि ग्राहकको विश्वास गरेको प्रष्ट हुने कम्पनी भनाइ छ।

कम्पनीका अनुसार विश्वव्यापी रूपमा बिवाईडीले १ करोड न्यू इनर्जी भेइकल उत्पादन गरी नयाँ माइलस्टोन कायम गरेको छ भने यसले नवप्रवर्तन, दिगोपन र शून्य उत्सर्जनतर्फको भविष्यप्रति आफ्नो प्रतिबद्धतासमेत प्रमाणित गरेको छ।

साइमेक्स इंकले नेपालमा बिवाईडीका एट्टो३, डल्फिन र सिलजस्ता आधुनिक मोडल बिक्री गर्दै आएको छ। यी ईभीमा उपलब्ध गराइएको अत्याधुनिक ब्लेड ब्याट्री प्रविधि, सुरक्षाको उच्च स्तर र उत्कृष्ट प्रदर्शनका कारणले नेपाली ग्राहक रोजाइमा परेका छन्।

‘बिवाईडीको ३०औं वार्षिकोत्सवमा नेपालभर १०० गाडी डेलिभरीको उपलब्धि हाम्रा लागि गर्वको क्षण हो। यो हाम्रो टोलीको मिहिनेत र ग्राहकको विश्वासको प्रमाणसमेत हो। हामी नेपालको दिगो यातायाततर्फ यात्राको गति बढाउँन मद्दत पनि गर्दैछौं,’ साइमेक्स इंकका नेश्नल सेल्स हेड आशुतोष गौतमले भने।

प्रकाशित मिति: शुक्रबार, मंसिर ७, २०८१ १४:५९

प्रतिक्रिया दिनुहोस्