एमाले सत्तारुढ भएर आफैं अधिकार माग्दा जनताका अधिकारमाथि खेलवाड (तस्बिरसहित)

फोटो फिचर

गृहपृष्ठ
फोटो फिचर

एमाले सत्तारुढ भएर आफैं अधिकार माग्दा जनताका अधिकारमाथि खेलवाड (तस्बिरसहित)एमालेको दरबारमार्ग प्रदर्शनका कारण सर्वसाधारण नागरिकले कष्ट सहे। रोजगारी, पेसा, व्यवसायका लागि कार्यालय समय पुग्नुपर्ने बेला एमाले जुलुसले यातायात अवरुद्ध हुँदा घन्टौं हिँडेर गन्तव्य तय गर्न नागरिक विवश भए।

क्यापिटल नेपालशुक्रबार, मंसिर ७, २०८१

सत्तारुढ नेकपा एमालेले आफ्नो शक्ति देखाउन जुलुस, भेलाको प्रदर्शन गरेसँगै शुक्रबार बिहान काठमाडौंको ट्राफिक व्यवस्थापन भद्रगोल बन्यो। सत्तारुढ दल र सरकार चलाएको पार्टी एमाले जनताप्रति जिम्मेवार हुनुको साटो शक्ति प्रदर्शनमा लाग्दा नागरिकले दुःख बेहोरे।

एमालेको दरबारमार्ग प्रदर्शनका कारण सर्वसाधारण नागरिकले कष्ट सहे। रोजगारी, पेसा, व्यवसायका लागि कार्यालय समय पुग्नुपर्ने बेला एमाले जुलुसले यातायात अवरुद्ध हुँदा घन्टौं हिँडेर गन्तव्य तय गर्न नागरिक विवश भए। यस्तै, अध्ययनका लागि कलेज, स्कुल पुग्नुपर्ने विद्यार्थी बोकेका बस पनि एमाले जुलुसका लागि रोकिए। दरबारमार्गमा स्टेज बनाएर भद्रकालीबाट र्‍याली निकाल्ने घोषणा गरेको सत्तारुढ पार्टीले प्रदर्शनको तयारी गरेसँगै काठमाडौंको ट्राफिक व्यवस्थापन चुनौतीपूर्ण बनेको हो। यतिबेला काठमाडौंका मुख्य स्थान न्यूरोड, सहिदगेट, सुन्धारा, जमल, भृकुटीमण्डप, भद्रकाली, त्रिपुरेश्वर, सिंहदरबारलगायत क्षेत्र एमाले जुलुसका कारण जाममा परेको छ।