पर्यटन बोर्डका पूर्वसिईओ रेग्मीले महाराजगञ्जमा बनाए ‘मण्डला नोर्लिङ होटल’

पर्यटन

गृहपृष्ठ
पर्यटन

पर्यटन बोर्डका पूर्वसिईओ रेग्मीले महाराजगञ्जमा बनाए ‘मण्डला नोर्लिङ होटल’

क्यापिटल नेपालशुक्रबार, मंसिर ७, २०८१

काठमाडौं। नेपाल पर्यटन बोर्डमा पूर्वप्रमुख कार्यकारी अधिकृत (सिईओ) डा. धनञ्जय रेग्मीले महाराजगन्जमा होटल निर्माण गरेका छन्। चक्रपथको भाटभटेनी र कतार भिसा सेन्टर नजिकै रहेको मण्डला नोर्लिङ होटलको ओपनिङ शनिबार गर्ने तयारी गरिएको सञ्चालक रेग्मीले जानकारी दिए।

८ रोपनी क्षेत्रफलमा फैलिएको होटलमा मण्डला नोर्लिङ होटलमा सुपर डिलक्स, डिलक्स र सुइट रुम गरी ८६ वटा कोठा छन्। विदेशी एवं स्वदेशी पर्यटकलाई लक्षित गरि सञ्चालन तयारीमा रहेको होटल व्यवस्थापन भारतको लर्डस ग्रुप अफ म्यानेजमेन्टले लिएको छ।

लर्डस ग्रुपले नेपालमा मण्डला सहित ७ वटा र भारतमा ७० वटा होटल व्यवस्थापन गर्दै आएको छ। भारतीय पर्यटकहरुका लागि परिचित बनेको लर्डस ग्रुपको प्रवेशले मण्डाला नोर्लिङलाई भारतको बजारमा सहज हुने विश्वास उनले लिएका छन्। होटलमा भारतीय र चिनियाँ दुई खालकै रेष्टुरेन्ट सञ्चालन हुनेछ।

467467972_1077726440339441_5874902666846197796_n-1732234683.jpg
जसको कारण चीन र भारतबाट आउने पर्यटकलाई सहज हुनेछ। यस्तै नेपालीलाई पनि चिनियाँ र भारतीय परिकारका लागि गतिलो गन्तव्य हुने उनको भनाइ छ।

मध्यमवर्गीय पर्यटकलाई लक्षित गरी तयार भएको होटलमा वेलनेसलाई विषेश प्राथमिकता दिइएको जनाएको छ। होटलमा काठमाडौंको सबैभन्दा ठूलो स्पा सेन्टरको रुपमा विकास र विस्तार गर्न २१ वटा कोठा छुट्याएको सञ्चालक रेग्मीले जानकारी दिए। होटलमा एकैसाथ साना र एवं ठूला गरी २ सय बढी गाडी पार्किङ गर्न सकिने जनाएको छ।

462558446_1086612469847696_2369206930691003875_n-1732234683.jpg
होटल ६ वर्षअघिबाट निर्माण सुरु भएको थियो। कोभिड १९ र त्यसपछि जारी आर्थिक मन्दीको कारण होटल निर्माणको समय लम्बिदै गएको बताइन्छ।