एनसेलमा भ्वाइस सेवा डेटा वा डेटा सेवा भ्वाइससँग साट्न सकिने

कर्पोरेट बजार

गृहपृष्ठ
कर्पोरेट बजार

एनसेलमा भ्वाइस सेवा डेटा वा डेटा सेवा भ्वाइससँग साट्न सकिने

क्यापिटल नेपालबिहीबार, मंसिर ६, २०८१

काठमाडौं। एनसेलका ग्राहकले नयाँ विशेष सुविधाबाट फाइदा लिन सक्ने भएका छन्। सुविधाअन्तर्गत ग्राहकले आफ्नो सधैं अन प्याकमा बाँकी भ्वाइस सेवालाई डेटासँग वा डेटा सेवालाई भ्वाइससँग आफ्नो आवश्यकताअनुसार साटेर सेवाको फाइदा लिन सक्छन्।

सधैं अनमा ग्राहकले प्याकअनुसार भ्वाइस, डेटा र एसएमएस बन्डल सेवा पाउने गरेका छन्। सेवा प्रयोग गर्दा डेटा सकियो तर भ्वाइस बाँकी रहे ग्राहकले त्यस्तो बाँकी भ्वाइसलाई एनसेल एपमार्फत साट्न अथवा परिवर्तन गर्न सकिनेछ। त्यसैगरी बाँकी डेटालाई पनि भ्वाइसमा रुपान्तरण गर्न सकिनेछ।

यो सुविधा सधैं अनका ३९९, ४९९ र ५९९ रुपैयाँका प्याकमा मान्य रहेको छ। ग्राहकले आफ्नो एनसेल एपमा ‘एक्सचेन्ज डेटा अर भ्वाइस’मा गई आफूलाई आवश्यक परेको सेवाअनुसार प्रयोग हुन बाँकी डेटासँग भ्वाइस वा भ्वाइससँग डेटा साट्न सक्छन्।

ग्राहकले ५० मिनेटको भ्वाइस सेवालाई १२५० एमबी डेटासँग साट्न सक्छन्। त्यसैगरी उदाहरणका ग्राहकले लागि १ जीबी डेटा ४१ मिनेट भ्वाइस सेवामा रुपान्तर गर्न सक्छन्। आफूसँग बाँकी रहेको भ्वाइस वा डेटा सेवाको ९० प्रतिशतसम्मको सेवा आफूलाई आवश्यक सेवाअनुसार साट्न सकिने सुविधा रहेको छ।

एनसेल एप एनसेल डेटामा प्रयोग गर्दा कुनै शुल्क लाग्दैन। एनसेल ग्राहकले पहिलो पटक यो एप डाउनलोड गर्दा १ जीबी डेटा पनि निःशुल्क प्राप्त गर्छन्।

प्रकाशित मिति: बिहीबार, मंसिर ६, २०८१ १४:११

प्रतिक्रिया दिनुहोस्