नबिल सबैभन्दा बढी कर तिर्नेकाे बैंककाे सूचीमा निरन्तर, यस वर्ष पनि रेकर्ड उसैकाे पाेल्टामा

बैंकिङ

गृहपृष्ठ
बैंकिङ

नबिल सबैभन्दा बढी कर तिर्नेकाे बैंककाे सूचीमा निरन्तर, यस वर्ष पनि रेकर्ड उसैकाे पाेल्टामा

क्यापिटल नेपालशनिबार, मंसिर १, २०८१

नबिल बैंक लिमिटेड यो वर्ष पनि सबैभन्दा बढी कर तिर्ने बैंकका रूपमा सम्मानित भएको छ। नेपालमा मूल्य अभिवृद्धि कर लागू भएको दिन १ मंसिर स्मरण गर्दै २०६९ सालदेखि सरकारले राष्ट्रिय कर दिवस मनाउँदै आएको छ।

यसै दिन सरकारले क्षेत्रगत रूपमा धेरै कर बुझाउने करदाताहरूलाई सम्मान पनि गर्दै आएकोमा नबिल बैंक लिमिटेड बैंक तथा वित्तीय संस्थातर्फ अहिलेसम्म आठ पटक यो सम्मान पाएको छ।

यो वर्ष पनि आर्थिक वर्ष २०७९/८० मा सबैभन्दा बढी कर तिर्ने बैंकको रूपमा नबिल बैंक लिमिटेडलाई प्रमाणपत्रसहित सम्मान गरिएको हो। शनिबार आन्तरिक राजस्व विभागमा भएको विशेष कार्यक्रममा अर्थमन्त्री विष्णुप्रसाद पौडेलले नबिल बैंकलाई पुरस्कृत गरेका हुन्।

नबिल बैंकको तर्फबाट वरिष्ठ नायव प्रमुख कार्यकारी अधिकृत सुजितकुमार शाक्यले सम्मान लिएका छन्। नेपाल सरकारले हरेक वर्ष वित्तीय संस्थाहरूसहित विभिन्न विधाबाट सबैभन्दा बढी कर तिर्ने संस्था तथा व्यक्तिहरूलाई सम्मानित गर्दै आएको छ।

यसअघि आर्थिक वर्ष २०६७/६८, २०७०/७१, २०७१/७२, २०७३/७४, २०७५/७६, २०७६/७७ र २०७७/७८ को विवरणको आधारमा पनि नबिलले सबैभन्दा बढी कर तिर्ने बैंकको सम्मान पाएको थियो।

प्रकाशित मिति: शनिबार, मंसिर १, २०८१ ११:२१

प्रतिक्रिया दिनुहोस्