साताको कार्टुनः विवादित काम नगरे के को मन्त्री!

अर्थतन्त्र

गृहपृष्ठ
अर्थतन्त्र

साताको कार्टुनः विवादित काम नगरे के को मन्त्री!

क्यापिटल नेपालशुक्रबार, कात्तिक ३०, २०८१

सरकार अदलबदली भइरहने लोकतान्त्रिक परम्परा र मान्यता हो। प्रजातन्त्रमा प्रतिपक्षीलाई छाया सरकारसमेत भनिने गरेको छ। तर, नेपालका सन्दर्भमा सत्तारुढ, प्रतिपक्षी दुवैले राजनीतिक संस्कारलाई कुल्चिँदै आएका छन्। राजनीतिलाई पेसा बनाउने कर्म गरेकै कारण कांग्रेस, एमाले र माओवादीका ठूला नेताहरुसमेत विवादमा परेका छन्/परिरहेका छन्। नेकपा माओवादी केन्द्रका नेता पूर्वसभामुख कृष्णबहादुरमहरा, कांग्रेस नेता बालकृष्ण खाण, एमाले नेता टोपबहादुर रायमाझीहरुले मन्त्री पदको गरिमालाई धुलिसात् गरिसकेका छन्। भ्रष्टाचार र दुरचारका लागि बदनामी कमाउनेमा रायमाझीहरु मात्रै छैनन्, पछिल्लो समय सहकारी ठगी प्रकरणमा पक्राउ परेका रास्वपा सभापति रवि लामिछाने, गुन्डा–राजाका नामले चिनिने गण्डकी प्रदेशका पूर्वमन्त्री दीपक मनाङे, कोसी प्रदेशका निवर्तमान आन्तरिक मामिला तथा कानुनमन्त्री लीलाबल्लभ अधिकारी मानव तस्करी तथा सरकारी लिखत किर्ते गरेको आरोपमा जेलबासमा छन्।

मन्त्रीले नै विधिको शासनलाई खिसीट्युरी गर्दाको परिणाम मुलुकमा सुशासन हराउँदै गएको छ। स्थानीय, प्रदेशदेखि केन्द्र सरकारसम्मका मन्त्रीहरुसमेत विभिन्न भ्रष्टाचार काण्डमा मुछिएर विवादमा परिरहेका छन्। अतः पछिल्लो समय मन्त्री हुनासाथ विवादै विवादका शृंखला निम्ताउनुलाई गर्व गर्ने प्रवृत्तिले ठाउँ लिएको छ।

प्रकाशित मिति: शुक्रबार, कात्तिक ३०, २०८१ १९:००

प्रतिक्रिया दिनुहोस्