कुलेखानी क्षति अध्ययन छानबिन समितिले बुझायो प्रतिवेदन

पूर्वाधार

गृहपृष्ठ
पूर्वाधार

कुलेखानी क्षति अध्ययन छानबिन समितिले बुझायो प्रतिवेदन

क्यापिटल नेपालमंगलबार, कात्तिक २७, २०८१

काठमाडौं। कुलेखानी जलविद्युत् केन्द्रको ड्याममा भएको क्षतिबारे अध्ययन तथा छानबिन गर्न गठित समितिले ऊर्जा, जलस्रोत तथा सिँचाइमन्त्री दीपक खड्कालाई प्रतिवेदन बुझाएको छ।

गत असोज ११ र १२ गतेको अविरल वर्षाका कारण कुलेखानी जलविद्युत् केन्द्रको ड्यामका ढोका खोल्दा तल्लो तटीय क्षेत्रमा क्षति पुगेपछि ऊर्जामन्त्री खड्काले गत असोज २२ मा अध्ययन समिति गठन गरेका थिए। समितिले १५ दिन लगाएर स्थलगत अध्ययन तथा छानबिन गरी उक्त प्रतिवेदन आज बुझाएको हो।

विद्युत् विकास विभागका उपमहानिर्देशक गोकर्णराज पन्थको संयोजकत्वमा गठित उक्त समितिले तल्लो तटीय क्षेत्रमा भएको क्षतिको विषयमा स्थलगत निरीक्षण गरी क्षतिको विवरण संकलन गरिएको समितिले जनाएको छ।

कुलेखानी ड्यामको ढोका मापदण्डअनुसार खोले/नखोलेको विषयमा विस्तृत अध्ययन गरी भविष्यमा हुने क्षति न्यूनीकरण गर्ने विषयमा सुझाव दिइएको समितिका सदस्य सचिव एवं मन्त्रालयका उपसचिव शालिग्राम भण्डारीले बताए।

प्रकाशित मिति: मंगलबार, कात्तिक २७, २०८१ १४:१४

प्रतिक्रिया दिनुहोस्