चिनियाँ राजदूत छनसहितको टोलीद्वारा द क्लिफ अवलोकन

पर्यटन

गृहपृष्ठ
पर्यटन

चिनियाँ राजदूत छनसहितको टोलीद्वारा द क्लिफ अवलोकन

क्यापिटल नेपालशुक्रबार, कात्तिक २३, २०८१

काठमाडौं। नेपालका लागि‌ चिनियाँ राजदूत छन सोङले द क्लिफ नेपालको अवलोकन भ्रमण गरेका छन्। राजदूत छनसहितको टोली शुक्रबार साहसिक पर्यटनको हब क्लिफ पुगेको कम्पनीका अध्यक्ष राजु कार्कीले बताए।

क्लिफको अवलोकनपछि राजदूत छनले साहसिक गतिविधिमा रमाउन मन भए पनि समयाभावका कारण सम्भव नभएको बताए। त्यसका लागि अर्को पटक क्लिफ आउने उनले प्रतिबद्धता जनाए। राजदूत छनसहितको भ्रमणले कम्पनी र कर्मचारीलाई नयाँ ऊर्जा मिलेको अध्यक्ष कार्कीको भनाइ छ।

भ्रमणमा गण्डकी प्रदेशका पूर्वपर्यटनमन्त्री विकास लम्साललगायत सहभागी थिए। राजु कार्कीको परिकल्पना र नेतृत्वमा कालीगण्डकी नदीको खोंचमाथि पर्वत र बागलुङको बलेवा जोड्ने गरी बनाइएको द क्लिफमा विश्वकै दोस्रो अग्लो बन्जी जम्प सञ्चालनमा छ।

पछिल्लो समय एडभेञ्चर हबको रुपमा विकास हुँदै गएको द क्लिफमा देश विदेशबाट साहसिक पर्यटनका पारखी आउने गरेका छन्।
यसअघि द क्लिफमा विभिन्न मन्त्री तथा‌ सरकारका पदाधिकारीले समेत अवलोकन भ्रमण गरिसकेका छन्।

प्रकाशित मिति: शुक्रबार, कात्तिक २३, २०८१ १९:५३

प्रतिक्रिया दिनुहोस्