साताको कार्टुनः मलाई त देशको अर्थतन्त्रभन्दा कुर्सी नै प्यारो!

अर्थतन्त्र

गृहपृष्ठ
अर्थतन्त्र

साताको कार्टुनः मलाई त देशको अर्थतन्त्रभन्दा कुर्सी नै प्यारो!

क्यापिटल नेपालशुक्रबार, कात्तिक २३, २०८१

पछिल्लो समय देशको अर्थतन्त्र खराब स्थितिमा पुग्न थालेको अड्कलबाजी भइरहेका छन्। सत्तारुढ दलहरु अर्थतन्त्र चम्किरहेको रटान लगाइरहेका छन्। तर, उनीहरुको रटानलाई अर्थतन्त्रको तथ्याकले मिथ्यांक सावित गरिरहेका छन्। कर्जा माग नहुनु, मूल्यवृद्धिले अकास छुनु, खराब कर्जा बढ्नु, कर्जा माग नहुनु, बैंकको नाफामा संकुचन आउनु, अर्थतन्त्रको ऐना मानिने पुँजीबजार ओरालो लाग्नु, चालू खाता घाटामा जानु, आन्तरिक र बाह्य ऋण बढेको बढ्यै हुनु, राजस्व असुली कम हुनुलगायत कारण अर्थतन्त्र बिरामी हुन लागेको संकेत देखिएका छन्।

सरकारले निर्माण व्यवसायीलाई तिर्न बाँकी रहेको अर्बाैं बक्यौता भुक्तानी गर्न नसक्नुले अर्थतन्त्र ननिको रहेको देखाउँछ। तर, सत्तारुढ दलहरु एवं तिनका नेताले अर्थतन्त्र सबै ठीकठाक अवस्थामा रहेको दाबी गरिरहेका छन्। प्रधानमन्त्री केपी शर्मा ओली यस मामिलामा सबैभन्दा अगाडि छन्। उनले बोल्ने विभिन्न मञ्चहरुमा सरकारले अर्थतन्त्रलाई गतिमा हिँडाएको दाबी गरिरहेका छन्। उनै ओलीका विश्वासपात्र अर्थमन्त्री विष्णुप्रसाद पौडेल भने अर्थतन्त्रबारे मौन तर चिन्तित देखिन्छन्। अर्थमन्त्री पौडेलले कात्तिक २० मा अर्थ मन्त्रालयका सचिव र विभागीय प्रमुखको बैठकमा औसतभन्दा माथि उठेर काम गर्न र मातहतका कर्मचारीलाई काममा लगाएर राजस्व असुली बढाउन निर्देशनसमेत दिएका छन्। सामान्य अवस्थाको कामले राजस्व असुली प्रभावकारी हुँदैन भन्ने चिन्तामा अर्थमन्त्री रहेको प्रस्टै देखिन्छ। यसले पनि देखाउँछ, अर्थतन्त्र सही बाटोमा हिँडेको छैन भन्ने दृष्टान्त।

प्रकाशित मिति: शुक्रबार, कात्तिक २३, २०८१ १५:५२

प्रतिक्रिया दिनुहोस्