नारायणगढ–मुग्लिन सडकमा माइक्रोबस र बस एकापसमा ठोक्किँदा पाँचको मृत्यु

समाज

गृहपृष्ठ
समाज

नारायणगढ–मुग्लिन सडकमा माइक्रोबस र बस एकापसमा ठोक्किँदा पाँचको मृत्यु

क्यापिटल नेपालशुक्रबार, कात्तिक २३, २०८१

चितवन। नारायणगढ–मुग्लिन सडक खण्डको सत्रकिलोमा आज बिहान भएको दुर्घटनामा पाँच जनाको मृत्यु भएको छ भने पाँच जना घाइते भएका छन्। घाइतेमध्ये एक जनाको अवस्था गम्भीर छ।

जिल्ला प्रहरी कार्यालयका प्रहरी प्रवक्ता भेषराज रिजालका अनुसार आज बिहान ३ः०० बजे मुग्लिनबाट नारायणगढतर्फ आइरहेको माइक्रोबस र नारायणगढबाट मुग्लिनतर्फ गइरहेको बस एकापसमा ठोक्किँदा माइक्रोमा सवार गोरखा आरुघाट गाउँपालिका–१ का ४२ वर्षीय राजबहादुर गुरुङ, माइक्रोबसका चालक, परिचय नखुलेका ४० वर्षीया महिला, ३२ वर्षीय र ३५ वर्षीय पुरुषको मृत्यु भएको हो।

दुर्घटनामा अन्य पाँच जना घाइते भएका छन्। घाइतेमध्ये दुई जनाको भरतपुर अस्पताल र तीन जनाको चितवन शिक्षण अस्पतालमा उपचार भइरहेको छ।

प्रकाशित मिति: शुक्रबार, कात्तिक २३, २०८१ १०:३९

प्रतिक्रिया दिनुहोस्