ओरालो लाग्न थाल्यो सुन मूल्य, एकै दिन प्रतितोला ४ हजार रुपैयाँले घट्यो

कर्पोरेट बजार

गृहपृष्ठ
कर्पोरेट बजार

ओरालो लाग्न थाल्यो सुन मूल्य, एकै दिन प्रतितोला ४ हजार रुपैयाँले घट्यो

क्यापिटल नेपालबिहीबार, कात्तिक २२, २०८१

काठमाडौं। नेपाली बजारमा सुन मूल्य प्रतितोला १ लाख ७२ हजार वरपर कायम रहिरहेका बेला आज एकै दिन ४००० रुपैयाँले घटेको छ।
बुधबार प्रतितोला ३०० बढेको छापावाल सुनको मूल्य आज प्रतितोला ४००० रुपैयाँले घटेर कारोबार भइरहेको नेपाल सुनचाँदी व्यवसायी महासंघले जनाएको छ।

आज छापावाल सुन प्रतितोला १ लाख ६४ हजार ५०० रुपैयाँमा कारोबार भइरहेको छ। बुधबार छापावाल सुन प्रतितोला १ लाख ६८ हजार ५०० रुपैयाँमा कारोबार भएको थियो। महासंघका अनुसार बिहीबार चाँदीको मूल्य पनि घटेको छ।

बुधबार प्रतितोला २०१५ मा कारोबार भएको चाँदी बिहीबार प्रतितोला १क हजार ९६० रुपैयाँमा किनबेच भइरहेको हो। चाँदी अघिल्लो दिनको तुलनामा प्रतितोला ५५ रुपैयाँले घटेको हो।

आज अन्तर्राष्ट्रिय बजारमा सुन प्रतिऔंस २६ सय ५९ अमेरिकी डलरमा कारोबार भइरहेको छ।

अमेरिकामा डोनाल्ड ट्रम्प दोस्रो कार्यकालका लागि राष्ट्रपति निर्वाचित भएसँगै अन्तर्राष्ट्रिय बजारमा सुनको मूल्य ओरालो लागेको छ भने डलर थप बलियो भएको छ। अन्तर्राष्ट्रिय बजारमा सुनको मूल्यमा उतारचढाव आएसँगै नेपाली बजारमा पनि त्यसको प्रभाव परेको महासंघले जनाएको छ।

ट्रम्प राष्ट्रपतिमा निर्वाचित भएसँगै डलरको मूल्य उच्च भएको छ भने सेयर बजार बढेको छ। बिटक्वाइनले नयाँ रेकर्ड कायम गरेको छ।

प्रकाशित मिति: बिहीबार, कात्तिक २२, २०८१ ११:२८

प्रतिक्रिया दिनुहोस्