अमेरिकाको राष्ट्रपतिमा डोनाल्ड ट्रम्प जित नजिक

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकाको राष्ट्रपतिमा डोनाल्ड ट्रम्प जित नजिक

क्यापिटल नेपालबुधबार, कात्तिक २१, २०८१

काठमाडौं। महाशक्ति राष्ट्र अमेरिकाको राष्ट्रपति निर्वाचनमा रिपब्लिकन पार्टीबाट उम्मेदवार रहेका पूर्वराष्ट्रपति डोनाल्ट ट्रम्प निर्वाचित हुने पक्का भएको छ।

ट्रम्पले प्रतिद्वन्द्वी डेमोक्र्याटिक उम्मेदवार एवं हाल उपराष्ट्रपति रहेकी कमला ह्यारिसलाई पछि पार्दै दोस्रो पटक राष्ट्रपतिमा जित नजिक पुगेका हुन्।

सात स्वीङ स्टेटमध्ये फ्लोरिडा, नर्थ क्यारोलिना र पेन्सलभेनियामा जितेका ट्रम्प अन्य राज्यको मतगणनामा पनि ठूलो अन्तरले अगाडि रहेको अन्तर्राष्ट्रिय सञ्चार माध्यमले जनाएका छन्।

सन् २०१६ मा पहिलो पटक राष्ट्रपति चुनिएका ट्रम्पले सन् २०२० को निर्वाचनमा पनि प्रतिस्पर्धा गरेका थिए। तर, उनी हालका राष्ट्रपति एवं डेमोक्र्याट उम्मेदवार जे बाइडेनसँग पराजित भएका थिए। रिपब्लिकन पार्टीले यस पटक राष्ट्रपतिसँगै तल्लो र माथिल्लो दुवै सदनमा बहुमतसहितको जित हासिल गरेको छ।

ट्रम्पले फ्लोरिडास्थित चुनावी अभियानको मुख्यालयमा भेला भएका आफ्ना समर्थकलाई सम्बोधन गर्दै आफू राष्ट्रपति निर्वाचित भएको घोषणा गरेका छन्। यद्यपि यसको औपचारिक घोषणा भने भइसकेको छैन । अमेरिकी राष्ट्रपतिको कार्यकाल चार वर्षको हुन्छ।

अमेरिकी सञ्चार माध्यम सीएनएनका अनुसार ट्रम्पले २६६ मत ल्याएका छन् भने ह्यारिसले अहिलेसम्म १९५ मत पाएकी छन्। अहिलेसम्म ट्रम्पले १६ राज्यमा जितिसकेका छन्। अमेरिकामा राष्ट्रपति चुनिन २७० मत आवश्यक पर्छ।–एजेन्सी

प्रकाशित मिति: बुधबार, कात्तिक २१, २०८१ १३:५८

प्रतिक्रिया दिनुहोस्