टीभीएस बाइक खरिदमा उतीमलाल साहले जिते १० लाख

कर्पोरेट बजार

गृहपृष्ठ
कर्पोरेट बजार

टीभीएस बाइक खरिदमा उतीमलाल साहले जिते १० लाख

क्यापिटल नेपालबुधबार, कात्तिक २१, २०८१

काठमाडौं। दसैं, तिहार र छठ अवसरमा टीभीएस नेपालले सञ्चालन गरेको टीभीएससँग नयाँ युगको आरम्भ २०२४ उपहार योजनाअन्तर्गत टीभीएस बाइक खरिद गर्दा जनकपुरका उतीमलाल साहले नगद १० लाख ५ हजार रुपैयाँ जितेका छन्। साहले बाइक खरिद गर्नुअघि ५ हजार र खरिदपछि १० लाख जित्न सफल भएका हुन्।

यस्तै, भृकुटीमण्डपमा आयोजित महाएक्सचेन्ज मेलामा टीभीएस सवारी साधन खरिद गर्दा टेकराज गुरुङले ५ लाख ५ हजार जित्न सफल भएको कम्पनीले जनाएको छ। उनले खरिदअघि ५,००० र खरिदपछि ५ लाख जित्न सफल भएका हुन्।

महाएक्सचेन्ज मेला भृकुटीमण्डपमै टीभीएसको सवारी साधन खरिद गरेका प्रकाश अधिकारीले सवारी साधन खरिदमा ५० प्रतिशत क्यासब्याक र खरिदअघि ५,००० जितेका छन्। त्यसैगरी बागेश्वरी अटोमोटिभ्स धनगढीमा टीभीएस सवारी खरिद गरेका सञ्जित चौधरीले २५ प्रतिशत क्यासब्याक र खरिदअघि ५,००० जित्न सफल भएको कम्पनीले बताएको छ।

उपहार योजनाअन्तर्गत हालसम्म २ जनाले १ लाख, ४ जनाले ५० हजार, १० जनाले २५ हजार, १५ जनाले १५ हजार र १८ जनाले नगद ५ हजार जित्न सफल भइसकेको कम्पनीले जनाएको छ।

प्रकाशित मिति: बुधबार, कात्तिक २१, २०८१ १३:१०

प्रतिक्रिया दिनुहोस्