काठमाडौंमा छठका लागि चिटिक्क पारिए जलाशय, भक्तजनलाई कतै शुल्क, कतै निःशुल्क (तस्बिरसहित)

समाज

गृहपृष्ठ
समाज

काठमाडौंमा छठका लागि चिटिक्क पारिए जलाशय, भक्तजनलाई कतै शुल्क, कतै निःशुल्क (तस्बिरसहित)

क्यापिटल नेपालमंगलबार, कात्तिक २०, २०८१

सूर्य भगवानप्रति आस्था राखेर मनाइने पवित्र पर्व छठ आजदेखि विधिवत् सुरु भएको छ। कुनै बेला तराई क्षेत्रमा मात्रै मनाइने छठ पर्व अहिले ७७ वटै जिल्लामा मनाइन थालेको छ। काठमाडौंको बागमती नदीको गुह्येश्वरीदेखि गौरीघाटसम्म र कमलादीमा अवस्थित कमलपोखरीमा छठ पूजाको तयारी सुरु भएको छ। छठ पूजा समितिका अनुसार यो वर्ष गुह्येश्वरीमा ६०० वटा स्टल बनाउने तयारी छ भने कमलपोखरीमा ३६५ वटा स्टल निर्माण गरिएको छ। गुह्येश्वरीमा छठको तयारीका लागि लागत करिब २० लाख रुपैयाँ बढी लाग्ने अनुमान गरिएको छ। यस वर्ष भक्तजनका लागि प्रतिस्टल १५०० रुपैयाँ सेवाशुल्क तोकिएको समितिले जनाएको छ भने कमलपोखरीमा सम्पूर्ण तयारी काठमाडौं महानगरको सहयोगमा गरिएकाले स्टलको कुनै सेवाशुल्क नतोकिएको कमलपोखरी छठ व्यवस्थापन समिति तथा रौनियार संस्कृति पूजा समाज नेपालले जनाएको छ।