सिप्रदीद्वारा त्रिशक्ति पशुपति दर्शन यातायातलाई १० वटा टाटा म्याग्ना बस हस्तान्तरण

अटो

गृहपृष्ठ
अटो

सिप्रदीद्वारा त्रिशक्ति पशुपति दर्शन यातायातलाई १० वटा टाटा म्याग्ना बस हस्तान्तरण

क्यापिटल नेपालमंगलबार, कात्तिक २०, २०८१

काठमाडौं। नेपालका लागि टाटा मोटर्सको आधिकारिक बिक्रेता सिप्रदी ट्रेडिङ प्रालिले रुपन्देहीको पत्थरडाँडामा आयोजित कार्यक्रममा १० वटा अत्याधुनिक र सुविधासम्पन्न टाटा एलपिओ १६२२र६२ बीएससिक्सत् म्याग्ना बस त्रिशक्ति पशुपति दर्शन यातायातलाई हस्तान्तरण गरेको छ।

त्रिशक्ति पशुपति दर्शन यातायात पश्चिम नेपाल बस व्यवसायी र भेरी यातायातजस्ता दुई ठूला समितिको सहकार्यमा सञ्चालनमा आएको हो।

कम्पनीबाटै जडान गरेर आएका ४४ वटा अल्ट्रा लग्जरी फ्युचुरा सिट र एसीसहितको यो गाडी पहिलो चरणमा लुम्बिनी प्रदेशदेखि दिल्लीसम्मको अन्तरदेशीय यात्राका लागि सञ्चालनमा ल्याइने समितिका अध्यक्ष इन्द्र पुनले बताए।

sipradi-(1)-1730804605.jpeg
यी बसमा अत्याधुनिक प्रविधि र बीएससिक्स मानक प्रयोग भएको छ, जसले यसलाई वातावरणमैत्री बनाउँछ। विशेष फिल्टरले कण उत्सर्जन घटाउँछ, र आधुनिक इन्जिन डिजाइनले इन्धन खपतलाई प्रभावकारी बनाउँछ। यी गाडीमा ओबीडी प्रणालीले इन्जिन र उत्सर्जन समस्या सजिलै पत्ता लगाउँछ।

‘अत्याधुनिक बीएससिक्स इन्जिन, लक्जरीयुक्त सिट र लामो दूरीका लागि विशेष रुपमा तयार पारिएका म्याग्ना गाडीले पर्यटकीय विकासमा विशेष टेवा पुर्याउने विश्वास लिएका छौं। अन्तरदेशीय यात्रा सुगम हुँदा दुई देशबीच सांस्कृतिक आदानप्रदान र धार्मिक सहिष्णुता अझ बढ्नेछ’, कार्यक्रममा सिप्रदी कमर्सियल युनिटका वरिष्ठ महाप्रबन्धक अनुपमणि ढकालले भने।

प्रकाशित मिति: मंगलबार, कात्तिक २०, २०८१ १६:४८

प्रतिक्रिया दिनुहोस्