ऊर्जामन्त्री खड्काले भारतीय समकक्षीसँग भने ‘पञ्चेश्वरको डिपिआर छिटो गर्नुस्’

पूर्वाधार

गृहपृष्ठ
पूर्वाधार

ऊर्जामन्त्री खड्काले भारतीय समकक्षीसँग भने ‘पञ्चेश्वरको डिपिआर छिटो गर्नुस्’

क्यापिटल नेपालमंगलबार, कात्तिक २०, २०८१

काठमाडौं। उर्जा, जलस्रोत तथा सिंचाईमन्त्री दीपक खड्काले पञ्चेश्वर आयोजनाको विस्तृत परियोजना प्रतिवेदन (डिपिआर)लाई चाँडो अन्तिम रुप दिन भारत सरकारसँग आग्रह गरेका छन्।

मंगलबार भारतीय समकंक्षी जल शक्तिमन्त्री सीआर पाटिलसँग नयाँ दिल्लीमा भएको भेटमा ऊर्जा मन्त्री खड्काले पञ्चेश्वर आयोजनाको डिपिआरसहित नेपाल र भारतबीच बाढी तथा विपद् व्यवस्थापन सम्बन्धी संयुक्त समितिको बैठक छिट्टै गर्न आग्रह गरेका हुन्।

दुई मन्त्रीबीचको भेटमा पञ्चेश्वर आयोजनालाई अगाडि बढाउने, बाढी नियन्त्रण, विकास र क्षमता अभिवृद्धिलगायत विविध पक्षमा छलफल भएको उर्जा मन्त्रालयका वरिष्ठ उर्जा विज्ञ प्रबल अधिकारीले जानकारी दिएका छन्।

462565737_348781814960067_1201597521110277034_n-1730797061.jpg

भेटमा भारतका जल शक्तिमन्त्री पाटिलले पञ्चेश्वर आयोजनाको डिपिआरलाई चाँडो अन्तिम रुप दिएर निर्माण अघि बढाउन भारत सकारात्मक रहेको प्रतिक्रिया दिएको भेटमा सहभागी वरिष्ठ उर्जा विज्ञ प्रबल अधिकारीले बताएका छन्। साथै उर्जामन्त्री खड्काले टनकपुरदेखि नेपाल–भारत सीमासम्म नहर निर्माण सम्पन्न भएकोमा भारत सरकारलाई धन्यवाद दिएका थिए।

भारतको नयाँ दिल्लिमा भइरहेको अन्तर्राष्ट्रिय सौर्य गठबन्धनको सातौं महासभामा सहभागी हुन् ऊर्जामन्त्री खड्कासहित नेपाली प्रतिनिधिहरुको टोली हाल भारतमा छ। उक्त महासभा कात्तिक १८ देखि २१ सम्म चल्नेछ। यही बीच ऊर्जा मन्त्री खड्काले भारतका विभिन्न व्यक्तिसँग पनि भेटघाट एवं छलफल गरिरहेका छन्।

प्रकाशित मिति: मंगलबार, कात्तिक २०, २०८१ १४:४२

प्रतिक्रिया दिनुहोस्