पाँच करोड ठगी मुद्दामा कम्बोडियाबाट पक्राउ परिन् बिनु शाक्य

समाज

गृहपृष्ठ
समाज

पाँच करोड ठगी मुद्दामा कम्बोडियाबाट पक्राउ परिन् बिनु शाक्य

क्यापिटल नेपालमंगलबार, कात्तिक २०, २०८१

काठमाडौं। वैदेशिक रोजगारी ठगीलगायत मुद्दामा इन्टरपोलबाट ‘रेड नोटिस’ जारी भएकी फरार अभियुक्त बिनु शाक्यलाई कम्बोडियाबाट पक्राउ गरी नेपाल ल्याइएको छ।

सिन्धुपाल्चोक मान्खा ठेगाना भएकी बिनु शाक्यलाई इन्टरपोलको कम्बोडिया शाखासँगको समन्वयमा पक्राउ गरी ठगी मुद्दामा कारबाही गर्ने÷गराउने प्रयोजनार्थ स्वदेश ल्याइएको नेपाल प्रहरीका प्रवक्ता प्रहरी नायब महानिरीक्षक दानबहादुर कार्कीले जानकारी दिए।

उनले वैदेशिक रोजगारीमा सिंगापुर पठाइदिन्छु भनी ४० जनाभन्दा बढी व्यक्तिबाट ५ करोड दुई लाख ९४ हजार ठगी गरी फरार भएकी थिइन्।

आरोपी बिनु र उदयपुर त्रियुगा नगरपालिका–१० ठेगाना भएका सुजन आचार्यलाई अन्तर्राष्ट्रिय स्तरमा खोजतलास एवं पक्राउ गर्न नेपाल प्रहरी प्रधान कार्यालय अपराध अनुसन्धान विभाग इन्टरपोल शाखामा अनुरोध भएपछि २०८० माघ १९ गते उनीहरूविरुद्ध रेड नोटिस जारी भएको थियो।

अन्तर्राष्ट्रिय स्तरमा खोजतलास गरी नेपाल फिर्ता ल्याई सम्बन्धित कसुरमा कानुनी कारबाही गराउन नेपाल प्रहरीको अपराध अनुसन्धान विभाग इन्टरपोल शाखाबाट इन्टरपोलका सम्पूर्ण सदस्य राष्ट्रलाई पत्राचार गरिएकामा २०८१ असोज १ गते कम्बोडियाबाट दुवै जनालाई पक्राउ गरिएको थियो।

पक्राउमध्ये सुजनलाई गत कात्तिक ९ गते नेपाल फिर्ता ल्याइएको र बिनुलाई सम्बन्धित कसुरमा कानुनबमोजिम कारबाहीका लागि काठमाडौं ल्याइएको हो। उनलाई थप कारबाहीका लागि सोमबार प्रहरी वृत्त कालीमाटीमा बुझाइएको छ।

प्रकाशित मिति: मंगलबार, कात्तिक २०, २०८१ ११:३८

प्रतिक्रिया दिनुहोस्