इटहरीमा टाटा एसईभी फ्ल्याटबेड र सिएलभी ईभी सार्वजनिक, ५० हजारसम्मको छुट

अटो

गृहपृष्ठ
अटो

इटहरीमा टाटा एसईभी फ्ल्याटबेड र सिएलभी ईभी सार्वजनिक, ५० हजारसम्मको छुट

क्यापिटल नेपालमंगलबार, कात्तिक ६, २०८१

काठमाडौं। नेपालका लागि टाटा मोटर्सको आधिकारिक वितरक सिप्रदी ट्रेडिङ प्रालिले सुनसरीको इटहरीमा टाटा एस ईभी फ्ल्याटबेड र सिएलभी विद्युतीय गाडी सार्वजनिक गरेको छ।

दसैं–तिहार विशेष छुट अफरसहित सुलभ मूल्यमा ग्राहकलाई सहुलियत दिन नयाँ मोडल सार्वजनिक गरिएको कम्पनीले जनाएको छ।
टाटाद्वारा सार्वजनिक नयाँ मोडलका क्रमशः एसईभी फ्ल्याटबेडको २१ लाख ९९ हजार र सिएलभी ईभीको २२ लाख ७९ हजार रुपैयाँ तोकिएको कम्पनीले बताएको छ।

कम्पनीले पहिलो एक साताभित्र बुकिङ गर्ने ग्राहकलाई योजनाअन्तर्गत टाटाका माथि उल्लिखित गाडीमा ५० हजारसम्मको विशेष नगद छुट व्यवस्था गरेको छ। यस्तै ग्राहकले उक्त गाडीको खरिदमा एक वर्षका लागि निःशुल्क बिमा सुविधा, तीन पटकसम्म गाडी निःशुल्क सर्भिसिङ, एक वर्षका लागि सवारी कर, आकर्षक एक्सचेञ्ज बोनसका साथै गाडी नामसारी गर्दा लाग्ने खर्चसमेत कम्पनी आफैंले बेहोर्नेछ।

कार्यक्रममा सिप्रदी ट्रेडिङका सहायक महाप्रबन्धक दिवसबाबु सुवेदीले टाटा ईभी सञ्चालनका हिसाबले किफायती, सहज र सुविधायुक्त हुनुका साथै सुरक्षाका दृष्टिकोणले समेत भरपर्दा रहेको बताए।

प्रकाशित मिति: मंगलबार, कात्तिक ६, २०८१ १०:३१

प्रतिक्रिया दिनुहोस्