सेप्टेम्बरमा चीनको निर्यात वृद्धि अप्रत्याशित रूपमा सुस्तायो, जसले कमजोर हुँदै गएको अर्थतन्त्रमा झन् समस्या थपेको छ। नीतिनिर्माताहरू चीनको उत्पादन क्षेत्रमा भर परिरहेका छन्, तर निर्यात वृद्धि सुस्त भएपछि व्यापार पुनरुत्थानमा धक्का लागेको छ।
चीनको निर्यात सेप्टेम्बरमा २.४% मात्र बढेको छ, जुन मे महिनापछि सबैभन्दा न्यून हो। प्रमुख बजारहरू जापान, दक्षिण कोरिया, र ताइवानमा निर्यात घटेको छ भने युरोपियन युनियन र अमेरिकामा निर्यात वृद्धि चार महिनामा सबैभन्दा सुस्त देखिएको छ। तर, रसियामा निर्यात भने $११ अर्ब पुगेको छ, जुन रेकर्ड हो, किनभने बेइजिङले रसियालाई आर्थिक एकान्तिकरणबाट जोगाइरहेको छ। चीनको निर्यात यस वर्ष आश्चर्यजनक रूपमा बलियो रहँदै आएको थियो र कमजोर घरेलु मागलाई सन्तुलन गर्ने भूमिका खेलेको थियो।
तर, अगामी वर्षमा व्यापार तनाव बढ्न सक्ने हुँदा निर्यात वृद्धि निरन्तरता दिन गाह्रो हुने विश्लेषकहरू बताउँछन्। सेप्टेम्बर महिनामा चीनको व्यापार सरप्लस ८२ अर्ब अमेरिकी डलर पुगेको छ भने यो वर्षको पहिलो नौ महिनामा ६९० अर्ब अमेरिकी डलर पुगेको छ। यद्यपि, घरेलु माग कमजोर भएकाले विदेशी उत्पादनहरूको माग घटेको छ। यसैकारण अमेरिकी राष्ट्रपति जो बाइडेनलगायतका अन्य नेताहरूले व्यापार प्रतिबन्धहरू लगाउन थालेका छन्।
चीनका राष्ट्रपतिले पछिल्ला हप्ताहरूमा आर्थिक वृद्धिलाई पुनर्जीवित गर्नका लागि दर कटौती र सम्पत्ति क्षेत्रमा सहयोग गर्ने उपायहरू अवलम्बन गरेका छन्। चीनको स्टील उद्योग पनि संकटमा चीनको स्टील उद्योग पनि आन्तरिक माग घटेपछि निर्यात बढाएर घाटा कम गर्न खोजिरहेको छ। यो वर्ष निर्यात २१% ले बढेको भए पनि मूल्य भने घटेको छ।
युरोपियन युनियनले चीनबाट आयात गरिएका विद्युतीय सवारी साधनहरूमा ४५% सम्म कर लगाउने निर्णय गरेको छ। गोल्डम्यान स्याक्सले चीनको आर्थिक वृद्धिको पूर्वानुमान सुधार गरेको छ, तर सन् २०२६ पछि वृद्धि सुस्त हुने भविष्यवाणी कायमै राखेको छ, किनभने विश्वभरिका मुलुकहरूले आपूर्ति श्रृंखलामा चीनमाथिको निर्भरता घटाउने प्रयास गरिरहेका छन्।
ब्लूमबर्गबाट
