१३ दिनपछि २७०० अंकमाथि नेप्से

सेयर

गृहपृष्ठ
सेयर

१३ दिनपछि २७०० अंकमाथि नेप्से

क्यापिटल नेपालसोमबार, असोज २१, २०८१

काठमाडौं। १३ कारोबार दिनपछि सेयर बजारले २७०० बिन्दु छोएको छ। साताको कारोबारको दोस्रो दिन सोमबार सेयर बजार सूचक नेपाल स्टक एक्सचेञ्ज (नेप्से) ११ बजेर ५१ मिनेटमा २७०२.९३ बिन्दुमा पुगेको हो।

यसअघि नेप्सेले भदौ ३० गते २७०० बिन्दु छोएको थियो। उक्त दिन नेप्से २७३४.५८ बिन्दुसम्म पुगेपनि कारोबार बन्द हुँदा भने २६३७.७९ बिन्दुमा सीमित भएको थियो। भदौ २३ गते २७०१ बिन्दुमा रहेको नेप्से त्यसपछि घट्दै गएको थियो।

२०८१ असार १६ गते २०३७.०९ बिन्दुमा रहेको सूचक लगातार उकालो लाग्दै साउन ३१ गते ३०००.८१ बिन्दुमा पुगेर फेरि घट्न सुरु गरेको थियो। भदौ लागेसँगै लगातार घटेको बजार पछिल्लो पटक असोज १३ गते २४६४.४० (त्यस दिन २४४२.५७ न्यून बिन्दु) मा नेप्से रोकिएर फेरि उकालो लागिरहेको छ।

अघिल्लो कारोबार दिन आइतबार नेप्से ५६.०९ अंकले बढेको थियो भने गत साताको अन्तिम कारोबार दिन बुधबार २६.०७ अंकले घटेको थियो। त्यसअघि मंगलबार ११४ अंक र सोमबार ४४ अंक गरी दुई दिनमा नेप्से १६० अंकले बढेको थियो।

प्रकाशित मिति: सोमबार, असोज २१, २०८१ १२:५५

प्रतिक्रिया दिनुहोस्