नेपालमा एकै दिन बीवाईडीका १३२ युनिट ईभी डेलिभरी

अटो

गृहपृष्ठ
अटो

नेपालमा एकै दिन बीवाईडीका १३२ युनिट ईभी डेलिभरी

क्यापिटल नेपालशनिबार, असोज १९, २०८१

काठमाडौं। इलेक्ट्रिक सवारी साधन (ईभी) निर्माता बीवाईडीले नेपालमा एकै दिन १३२ युनिट ईभी डेलिभरी गरेको छ। दसैंको पहिलो दिन घटस्थापना अवसरमा गरिएको यो डेलिभरीले महत्त्वपूर्ण उपलब्धि दर्शाएको कम्पनीले जनाएको छ। यसले नेपालमा बीवाईडीको सवारीप्रति बढ्दो चासो र इलेक्ट्रिक मोबिलिटीप्रतिको आकर्षणलाई उजागर गरेको छ।

नेपालमा बीवाईडीका सवारी साधन साइमेक्स इंकको आधिकारिक वितरकको रूपमा देशभरका डिलर नेटवर्कमार्फत बिक्री भइरहेका छन्। साइमेक्स इंकका नेसनल सेल्स हेड आशुतोष गौतमले यो अवसरमा खुसी व्यक्त गर्दै भने, ‘घटस्थापनाको दिन १३२ वटा ईभी डेलिभरी गर्न पाउनु गौरवको कुरा हो। यसले बीवाईडी सवारीप्रतिको नेपाली ग्राहकको विश्वास र हाम्रो उत्कृष्ट सेवा प्रदान गर्ने प्रतिबद्धतालाई पुष्टि गर्छ।’

नेपालभर बीवाईडीको सवारीको माग बढ्दै गइरहेको छ। वीरगन्ज, बनेपा, जनकपुरलगायतका सहरमा सोरुम विस्तार गर्दै बीवाईडीको बजार उपस्थिति विस्तार भइरहेको हो। कम्पनीले वातावरणमैत्री सवारी साधन प्रवर्द्धन गर्न विभिन्न सीएसआर (कर्पोरेट सामाजिक उत्तरदायित्व) कार्यक्रम पनि सञ्चालन गरिरहेको छ, जसमा साइमेक्स बीवाईडी च्यारिटी फाउन्डेसन (सीबीसीएफ) जस्ता पहल समावेश छन्।

शून्य उत्सर्जन गर्ने इलेक्ट्रिक सवारी साधनको माध्यमबाट नेपालको यातायात क्षेत्रलाई रुपान्तरण गर्ने बीवाईडीको लक्ष्यलाई १३२ युनिट डेलिभरीले थप बल दिएको छ। बीवाईडीका सवारी साधन उत्कृष्ट प्रविधि र कार्यक्षमतामा आधारित छन्, जसले नेपाली बजारमा दिगो मोबिलिटी समाधानका रूपमा आफ्नो उपस्थिति मजबुत बनाउँदै लगेको छ।

प्रकाशित मिति: शनिबार, असोज १९, २०८१ १२:२४

प्रतिक्रिया दिनुहोस्