नदी खोला किनारमा थपिएको २० मिटर मापदण्ड फिर्ता माग्दै माइतीघर मण्डलामा विरोध (तस्बिरसहित)

फोटो फिचर

गृहपृष्ठ
फोटो फिचर

नदी खोला किनारमा थपिएको २० मिटर मापदण्ड फिर्ता माग्दै माइतीघर मण्डलामा विरोध (तस्बिरसहित) सर्वोच्च अदालतले काठमाडौं उपत्यकाका खोला किनाराको थप २० मिटर मापदण्ड कायम गर्नुपर्ने फैसला गरेपछि त्यसलाई बदर गर्नुपर्ने मागसहित प्रभावित स्थानीयले माइतीघर मण्डलामा विरोध प्रदर्शन गरेका छन्।

क्यापिटल नेपालबिहीबार, असोज १०, २०८१

सर्वोच्च अदालतले काठमाडौं उपत्यकाका खोला किनाराको थप २० मिटर मापदण्ड कायम गर्नुपर्ने फैसला गरेपछि त्यसलाई बदर गर्नुपर्ने मागसहित प्रभावित स्थानीयले माइतीघर मण्डलामा विरोध प्रदर्शन गरेका छन्। सरकारले फैसला कार्यान्वयन गर्न नसकिने बताएर सर्वोच्चमा दिएको पुनरवलोकन निवेदन सुनुवाइकै क्रममा रहेको अवस्थामा नदी किनारका प्रभावितले ‘जनताको सम्पत्ति रक्षा गर, सर्वोच्च अदालतको निर्णय खारेज गर’लगायत नारा अंकित पम्पलेट, पोस्टरसहित नारा लगाउँदै माइतीघर मण्डलामा विरोध प्रदर्शन गरेका हुन्।

यसैबीच काठमाडौं उपत्यकाका नदी किनारामा २० मिटर ठाउँ खुला छाड्नुपर्ने सर्वाेच्चकाे फैसलाविरुद्ध परेको पुनरवलोकन निवेदन हेर्न नमिल्नेमा परेकाे छ। न्यायका मान्य सिद्धान्त र सर्वोच्चबाट प्रतिपादित नजिरसँग बाझिएको भनी सरकारले गत साता फैसला पुनरवलोकनका लागि निवेदन दिएको थियो ।

सर्वोच्चले पुनरवलोकन निवेदन अध्ययनका लागि बिहीबार नै पेसी तोकेको हो। न्यायाधीशत्रय सपना प्रधान मल्ल, तिलप्रसाद श्रेष्ठ र टेकप्रसाद ढुंगानाको इजलासमा परेको निवेदन हेर्न नमिल्नेमा परेकाे हाे। सर्वोच्च प्रशासनले फेरि नयाँ मिति तोक्नेछ ।