काठमाडौं। सामसुङ नेपालले आगामी कात्तिक ३० सम्म लागू हुने गरी ‘भव्य दसैं–तिहार, घरभरि उपहार’ सार्वजनिक गरेको अफरमा ग्राहकले ३१ प्रतिशतसम्मको छुटमा नयाँ सामसुङ टिभी र घरेलु उपकरण खरिद गर्न सक्नेछन्। चुनिएका सामसुङ टिभी खरिद गर्दा १२ महिने निःशुल्क वल्र्डलिंक इन्टरनेट र नेटटिभी सब्स्क्रिप्सन पाउनेछन् भने सामसुङ फ्रन्ट लोड वाशिङ मेसिनको खरिद गर्दा निःशुल्क ६ केजी सर्फ एक्सेल म्याटिकलगायत उपहार पाउने कम्पनीले जनाएको छ।
सामसुङले नयाँ दायराको एचडी, एफएचडी, ४के युएचडी, क्युएलईडी, नियो क्युएलईडी ४के टिभी र फ्रेम टिभीमा आकर्षक छुट मूल्यमा मात्रै नभई विशेष बोनस उपहारसहित क्यासब्याक दिँदै आएको छ। क्यासब्याकसँगै ग्राहकले क्युएलईडी वा त्योभन्दा माथिका सामसुङ टिभी मोडल खरिद गर्दा पहिलो आउनेले पहिलो सेवा पाउने सुविधाअन्तर्गत डिलरको सिफारिसमा १२ महिने निःशुल्क वल्र्डलिंक इन्टरनेट र नेटटिभीको सब्स्क्रिप्सन पनि प्राप्त गर्न सक्नेछन्।
खरिद गरिएका टी, ए, बी, सी र डी–सिरिजका सामसुङ टिभीमा ३ वर्षे पूर्ण वारेन्टी दिइएको त भने साउन्डबारमा ५० प्रतिशतसम्म क्यासब्याक प्राप्त गर्न सकिनेछ।
कम्पनीले कन्भरटेबल ५–इन–१ रेफ्रिजेरेटे कन्भरटेबल जीवनशैलीमा अपग्रेड गर्न सक्नछन् भने विशेष छुटसहित एआई इकोबबल वासिङ मेसिनसँग स्वचालित रूपमा अप्टिमाइज्ड क्लिन, पावरफुल र जेन्टल वास पाइनेछ। यसबाहेक, ८ केजीभन्दा बढी क्षमता भएको सामसङ फ्रन्ट लोड वाशिङ मेसिन खरिद गर्दा ग्राहकले ६ केजी सर्फ एक्सेल म्याटिक निःशुल्क प्राप्त गर्नेछन्।
यी चाडपर्वका अफर हुलास फिन सर्भ हायर पर्चेजको सहकार्यमा सञ्चालित सामसुङको इन्स्टा फाइनान्स सेवाबाट प्राप्त गर्न सकिन्छ भने ग्राहकले १८ महिनासम्मको विस्तारित अवधिका लागि शून्य प्रतिशत ब्याज ईएमआईमा सामसुङ टिभी खरिद गर्न सक्ने कम्पनीले बताएको छ। यो योजना सामसुङ कन्जुमर इलेक्ट्रोनिक्स–हिम इलेक्ट्रोनिक्स प्रालि र त्रिवेणी व्यापार प्रालिका आधिकारिक वितरकले नेपालभर उपलब्ध गराएका छन्।
