नेपालका होटलमा जनशक्ति व्यवस्थापनको खाँचो : जीवा लामिछाने

पर्यटन

गृहपृष्ठ
पर्यटन

नेपालका होटलमा जनशक्ति व्यवस्थापनको खाँचो : जीवा लामिछाने

क्यापिटल नेपालशुक्रबार, भदौ २८, २०८१

काठमाडौं । गैरआवासीय नेपाली संघ (एनआरएनए)का पूर्वअध्यक्ष जीवा लामिछानेले नेपालका होटलमा जनशक्ति व्यवस्थापन जरुरी रहेको बताएका छन्।

शुक्रबार क्यापिटल नेपालले आयोजना गरेको होटलियर समिट–२०२४ कार्यक्रममा लामिछानेले नेपालका होटलमा जनशक्ति व्यवस्थापन गरेमा खर्च र सु्विधा बढाउन सकिने बताए।

उनले भने, 'नेपालमा र विदेशमा होटल सञ्चालन गर्दा केही समानता भए पनि जनशक्ति व्यवस्थापनमा भिन्नता देखिन्छ। विदेशमा १५० कोठा भएका होटेलमा ४/५ जनाले काम गर्न सक्छन्। तर, त्यहि काम गर्न नेपालमा २०/२२ जना लाग्छन्। यसको अर्थ नेपालमा व्यवस्थापकीय कमजोरी देखिन्छ।'

तुलनात्मक रुपमा नेपालका होटलमा जनशक्तिलाई दिइने पारिश्रमिक सस्तो भए पनि व्यवस्थापनतिर ध्यान दिइए पारिश्रमिक बढाउन र खर्च जोगाउन सकिने उनले बताए।

लामिछानेले भने, 'हामी विदेशमा बसे पनि मन नेपालमै छ। विदेशमा बस्ने नेपालीलाई सन् २०१५ को संविधानले दिएको नागरिकताको अधिकारलाई सजिलो बनाए हुन्थ्यो। त्यसले जन्मभूमीमा लगानी गर्ने मन बढ्थ्यो। विदेशबाट आउँदा आफन्तकोमा नबसी होटलमा बस्ने गरेका छन्। यसले पर्यटन विकासमा सहयोग पुर्‍याएको छ।'

एनआएनएलाई कुरा धेरै गर्ने तर लगानी नभित्र्याउने भनेर आरोप लागे पनि विदेश गएर पैसा मात्रै कमाउनेभन्दा पनि उद्यमशीलता विकास गर्नुपर्छ भन्ने धारणा विकास भइरहेको उनले दाबी गरे।

प्रकाशित मिति: शुक्रबार, भदौ २८, २०८१ १५:५०

प्रतिक्रिया दिनुहोस्