प्रोटेक्टिभ माइक्रो इन्स्योरेन्सले आईपीओ निष्कासन गर्ने, त्रिपक्षीय सेयर प्रत्याभूति सम्झौता

सेयर

गृहपृष्ठ
सेयर

प्रोटेक्टिभ माइक्रो इन्स्योरेन्सले आईपीओ निष्कासन गर्ने, त्रिपक्षीय सेयर प्रत्याभूति सम्झौता

क्यापिटल नेपालसोमबार, भदौ २४, २०८१

काठमाडौं। प्रोटेक्टिभ माइक्रो इन्स्योरेन्सले सर्वसाधारणलाई जारी गर्न लागेको २२,५०,००० कित्ता साधारण सेयर खरिद प्रत्याभूतिका लागि नेपाल एसबिआई मर्चेन्ट बैंकिङ तथा नबिल इन्भेस्टमेन्ट बैंकिङबीच त्रिपक्षीय सम्झौता भएको छ।

कम्पनीले प्रतिसेयर अंकित मूल्य १०० दरले कुल २२ करोड ५० लाख खरिद प्रत्याभूति सेवाका दुई संस्थासँग सम्झौता गरेको हो।

सम्झौतामा नेपाल एसबिआई मर्चेन्ट बैंकिङका प्रबन्ध सञ्चालक तथा प्रमुख कार्यकारी अधिकृत लेखनाथ पोख्रेल, नबिल इन्भेष्टमेन्ट बैंकिङका प्रमुख कार्यकारी अधिकृत मनिषनारायण जोशी र प्रोटेक्टिभ माइक्रो इन्स्योरेन्सका प्रमुख कार्यकारी अधिकृत नरेशकुमार रोकाले त्रिपक्षीय सम्झौतापत्रमा हस्ताक्षर गरे।

नेपाल एसबिआई मर्चेन्ट नेपाल एसबिआई बंैक पूर्ण स्वामित्वको सहायक कम्पनी हो। प्रोटेक्टिभ माइक्रोले कैलालीको धनगढीमा मुख्य कार्यालय रहेर बिमा प्राधिकरणबाट २०७९ चैत २८ देखि कारोबार गरिरहेको छ।

हाल कम्पनीले ३ शाखा, ११ उप–शाखा तथा १४ विस्तारित शाखामार्फत सेवा दिँदै आएको छ।

प्रकाशित मिति: सोमबार, भदौ २४, २०८१ १२:०३

प्रतिक्रिया दिनुहोस्