उड्डयन क्षेत्रका नियामक र सेवा प्रदायकलाई छुट्याउने विधेयक अर्थको स्वीकृतिपछि कानुनमा पुग्यो

पर्यटन

गृहपृष्ठ
पर्यटन

उड्डयन क्षेत्रका नियामक र सेवा प्रदायकलाई छुट्याउने विधेयक अर्थको स्वीकृतिपछि कानुनमा पुग्यो

क्यापिटल नेपालबिहीबार, भदौ १३, २०८१

काठमाडौं । संस्कृति,पर्यटन तथा नागरिक उड्डयन मन्त्रालयले उड्डयन क्षेत्रलाई सुरक्षित बनाउन अघि बढाएका नागरिक उड्डयन क्षेत्रको नियामक र सेवा प्रदायक निकाय अलग गर्ने मस्यौदा विधेकलाई अर्थ मन्त्रालयले सहमति दिएको छ। सो सहमतिपछि विधेयक कानुन, न्याय तथा संसदीय व्यवस्था मन्त्रालय पुगेको छ।

नागरिक उड्डयन सम्बन्धि मौजुदा ऐनमासेवा प्रदायक र नियामक निकायलाई एउटै भएका कारण यसअघि राष्ट्रिय तथा अन्तर्राष्ट्रिय जगतमा त्यसको विरोध हुँदै आएको थियो।

संस्कृति, पर्यटन तथा नागरिक उड्डयनमन्त्री बद्रीपसाद पाण्डेले मन्त्रालय सम्हाले लगतै लामो समयदेखि रोकिँदै आएको विधेयकलाई प्राथमिकताका साथ अघि बढाएका थिए। अर्थ मन्त्रालयको सहमतिसँगै कानुन मन्त्रालयबाट सहमति पाएपछि उक्त विधेयक मन्त्रिपरिषद् हुँदै संसदमा पेस हुनेछ।