काठमाडौं । ऊर्जा, जलस्रोत तथा सिँचाइमन्त्रीसमेत रहेका व्यवसायी दीपक खड्काले ३ अर्ब लगानीमा बूढानीलकण्ठमा पाँचतारे होटल ‘होलिडे इन’ सञ्चालनमा ल्याएका छन्।
कोभिड र आर्थिक मन्दिको कारण निर्माण समय लम्बिएको सो होटलको व्यवस्थापन अमेरिकन चेन होटल इन्टरकन्टिनेन्टल होटल्स ग्रुप (आईएचजी)ले लिएको छ। सो ग्रुपअन्तर्गतको होलिडे इनको ब्रान्डमा काठमाडौंमा होटल सञ्चालनमा आएको छ। होलिडे इन अमेरिकी आधारित मिडस्केल होटल चेन हो।
२०७८ बाट निर्माण सुरु भएको सो होटल गत जुलाई ११ (असार २७) बाट पूर्ण रुपमा सञ्चालनमा आएको हो। शिवपुरी जङ्गलको फेदमा रहेको, काठमाडौं शहरको केन्द्रबाट छोटो ड्राइभमा, हलिडे इन रिसोर्टमा पुग्न सकिन्छ। शिवपुरी राष्ट्रिय निकुञ्जसँगको रिसोर्टको निकटताले साहसिक खोजीहरूलाई रमणीय परिदृश्यहरू, मनमोहक ट्रेलहरू र मन्दिरहरूहले सबैको मन लोभ्याउछ।
१ लाख ४२ हजार ७८३ वर्गफिट क्षेत्रफलमा फैलिएको होटलमा १०४ कोठा छन। कोठाहरूमा ५५ इन्चको स्मार्ट टिभी, उच्च गतिको वाइफाइ, नरम र बलियो तकियासहितको उच्च गुणस्तरको निद्राको अनुभव लिँदै पहाड र उपत्यकाका दृश्यहरूलाई नियाल्न सकिन्छ।
हलिडे इन रिसोर्ट काठमाडौं बुढानिलकण्ठमा खाना खाने रेस्टुरेन्ट र बारहरूको छनौटको साथ एक जीवन्त अनुभव लिन पाइन्छ। क्याफे नागार्जुनले स्थानीय र अन्तर्राष्ट्रिय व्यञ्जनहरू सहितको विविध मेनुको साथ दिनभरि भोजन प्रदान गर्दछ।
रिसोर्टमा परिवारहरूलाई खुल्ला हातले स्वागत गरिरहेको छ किनकी त्यहाँ १२ वर्ष र मुनिका बालबालिकाहरू निशुल्क बस्न र खान खुवाइन्छ। यो नै परिवार मैत्री बसाइको लागि उत्तम विकल्प भएको होटलले जनाएको छ।
सञ्चालक बिनिता खड्काले हलिडे इन रिसोर्ट काठमाडौं बुढानिलकण्ठ असाधारण आतिथ्य अनुभवहरू प्रदान गर्ने प्रतिबद्धताको प्रमाण भएको बताइन। रिसोर्टका महाप्रबन्धक आर्य एसजेबी राणाले पाहुनाहरूलाई वास्तवमै निर्मलता र भव्यतालाई मूर्त रूप दिने सेटिङमा बेजोड अनुभव प्रदान गर्ने बताए। बुढानिलकण्ठ एक प्रमुख गन्तव्य बन्न तयार छ, जसले अतिथिहरूलाई साहसिक, आराम र विलासिताको उत्तम सन्तुलन प्रदान गर्दछ,उनले भने।
विश्वभर ६ हजार ५०० बढी होटल व्यवस्थापन गर्दै आएको होलिडे इन काठमाडौंमा पनि राम्रो बुकिङ रहेको जनाएको छ। होटलमा फुड एन्ड बेभरेज सेवासाथै, क्यासिनो, स्विमिङ पुल, बैंक्वेट हल, रेस्टुरेन्ट, कन्फेरेन्स हल, स्पालगायत सुविधा उपलब्ध हुने कम्पनीले जनाएको छ। होटल त्रिभुवन अन्तर्राष्ट्रिय विमानस्थलबाट करिब ११ किलोमिटर दूरीको बूढानीलकण्ठको केन्द्रमा अवस्थित छ। बूढानीलकण्ठ आकर्षक धार्मिक तथा पर्यटकीय गन्तव्यमध्ये एक हो, जहाँ हरेक वर्ष ठूलो संख्यामा पर्यटक आउने गर्छन्।
होटल परियोजना बनाउन २ अर्ब ९७ करोड १० लाख रुपैयाँ लगानी भएको छ। यसमध्ये २ अर्ब १३ करोड १० लाख रुपैयाँ बैंक ऋण र बाँकी ८४ करोड १० लाख स्वपुँजी (इक्विटी) लगानी रहेको छ।
होटलमा ७२ प्रतिशत बैंक ऋण र बाँकी २८ प्रतिशत संस्थापकको स्वपुँजी (इक्विटी) रहेको छ। सन १९९८ देखि पर्यटन क्षेत्रमा लागेका खड्काले ट्राभल तथा ट्रेकिङ कम्पनीसहित विभिन्न क्षेत्रमा लगानी गर्दै आएका छन।
उनले ताप्लेजुङ र रसुवामा तीन वटा हाइड्रोपावर (जलविद्युत्) आयोजानामा लगानी विस्तार गरेका छन। चक्रपथबाट १० किलोमिटर बाहिर रहेको होलिडे इनबाट काठमाडौं उपत्यकाको दृश्यावलोकन गर्न सकिनेछ। साथै, त्यहाँ रहेको विपश्यना ध्यान केन्द्र आउनेलाई पनि खान–बस्न सहज हुनेछ।
बूढानीलकण्ठ मन्दिर दर्शन र गुम्बा घुम्न आउनेलाई पनि सहज हुनेन्छ। खड्का होटल फरेस्ट इन प्रालिका साथै मन्छियाम हाइड्रोपावरका अध्यक्षसमेत हुन्।
