महासंघको पहलमा स्थापित १० अर्बको लगानी कम्पनीले स्टार्टअपमा लगानी गर्ने

स्टार्टअप

गृहपृष्ठ
स्टार्टअप

महासंघको पहलमा स्थापित १० अर्बको लगानी कम्पनीले स्टार्टअपमा लगानी गर्ने

क्यापिटल नेपालबुधबार, भदौ ५, २०८१

काठमाडौं। नेपाल उद्योग वाणिज्य महासंघका अध्यक्ष चन्द्रप्रसाद ढकालले महासंघको पहलमा स्थापित लगानी कम्पनीले स्टार्टअपमा लगानी गर्ने बताएका छन्।

बुधबार काठमाडौंमा आयोजित स्टार्टअप नेसन २०३० को उद्धघाटन सत्रमा बोल्दै अध्यक्ष ढकालले महासंघको पहलमा १० अर्ब रुपैयाँको लगानीमा लगानी कम्पनी स्थापना भएको बताए। यो स्वतन्त्र रूपमा सञ्चालन हुने र जुनसुकै लगानीकर्ताले कम्पनीमा लगानी गर्न सक्ने ढकालले स्पष्ट पारे।

महासंघ ७७ वटै जिल्ला र नगरपालिकामा जम्मा १२३ स्थानमा रहेको र सबै प्रदेशमा कार्यालय रहेको र यस पहललाई अगाडि बढाउने क्षमता रहेको बताए। ‘हामी प्रदेश सरकारसँगको सहकार्यमा यी केन्द्रहरू स्थापना गर्न सक्षम छौं,’ अध्यक्ष ढकालले भने, ‘महासंघको केन्द्रीय कार्यालयमा पनि केन्द्र स्थापना गर्ने हाम्रो लक्ष्य रहेको छ।’

प्रकाशित मिति: बुधबार, भदौ ५, २०८१ १६:०२

प्रतिक्रिया दिनुहोस्