अदालतको आदेश बमोजिम तलब समायोजन नभएपछि नार्क निर्देशकको कार्यकक्षमा ताला

प्रविधि

गृहपृष्ठ
प्रविधि

अदालतको आदेश बमोजिम तलब समायोजन नभएपछि नार्क निर्देशकको कार्यकक्षमा ताला

क्यापिटल नेपालबुधबार, भदौ ५, २०८१

काठमाडौं । नेपाल कृषि अनुसन्धान परिषद् (नार्क)मा कार्यरत वैज्ञानिक कर्मचारीले उच्च अदालत पाटनले तलबमानमा गरिएको त्रुटि सच्याएर समानता कायम गर्न दिएको आदेश पालना नभएको भन्दै निमित्त कार्यकारी निर्देशकको कार्यकक्षमा ताला लगाइदिएका छन्।

आन्दोलित कर्मचारीले निमित्त कार्यकारी निर्देशक दोजराज खनालको कार्यकक्षमा तालाबन्दी गर्नुका साथै पेन डाउन, कार्यकालका चारपांग्रे गाडी प्रयोगमा निषेधलगायत विरोध कार्यक्रम गरिरहेका हुन्।

आजदेखि परिषद्‍अन्तर्गतका सबै कार्यालयमा अतिआवश्यक बाहेकका कामकाज बन्द गर्ने घोषणा गरेको कर्मचारीले बताए।

तलबमानमा गरिएको त्रुटिलाई सच्याई पाउँ भनी परिषद् समक्ष मौखिक र लिखित रुपमा पहल गरे पनि विभिन्न बहाना देखाएर परिषद्ले वैज्ञानिकको पक्षमा ठोस कदम नचालेको उनीहरूको आरोप छ।

चैत १५ मा दायर रिटमाथि उच्च अदालत पाटनले जेठ २ मा सुनुवाइ गर्दै समान समकक्षी तहका प्राविधिक/प्रशासनिक कर्मचारी तलबमान समानताको आधारमा निर्धारण गर्न परमादेश जारी गरे पनि कार्यान्वयन नभएपछि कर्मचारी आन्दोलित बनेका हुन्।

प्रकाशित मिति: बुधबार, भदौ ५, २०८१ १३:०२

प्रतिक्रिया दिनुहोस्