जुवा खालबाट प्रदेशसभा सदस्यसहित ११ जना पक्राउ, साढे एक लाख रुपैयाँ बरामद

समाज

गृहपृष्ठ
समाज

जुवा खालबाट प्रदेशसभा सदस्यसहित ११ जना पक्राउ, साढे एक लाख रुपैयाँ बरामद

क्यापिटल नेपालआइतबार, साउन २७, २०८१

काठमाडौं । जुवातास खेलिरहेको अवस्थामा काठमाडौं प्रहरीले प्रदेशसभा सदस्यसहित ११ जनालाई पक्राउ गरेको छ।

पक्राउ पर्नेमा एमालेका नेता तथा कोशी प्रदेश सभा सदस्य बुद्धिकुमार राजभण्डारी, एमाले सोलुखुम्बु जिल्ला कमिटी सदस्य तथा सोताङ गाउँपालिकाका पूर्वअध्यक्ष बीरबहादुर राई, कलाकार पुरुषोत्तम शर्मा, उत्तमकुमार राई, अनिश तामाङ, ठूला तामाङ, दीपक खड्का, भीमबहादुर साम्बाहाङ्फे, रवि श्रेष्ठ, राजु महत र माधव थापा छन्।

उनीहरूलाई शनिबार साँझ सवा ६ बजेतिर काठमाडौं महानगरपालिका–८ गौरीघाटस्थित राजु महतको कोठाबाट पक्राउ गरिएको प्रहरीले जनाएको छ।

पक्राउ परेकाहरूको साथबाट १ लाख ५० हजार र १६ बुक तास बरामद गरिएको प्रहरीको भनाइ छ। पक्राउ परेकाहरूलाई प्रहरीले प्रहरी वृत्त गौशालामा राखेर थप अनुसन्धान भइरहेको प्रहरीले जनाएको छ।

प्रकाशित मिति: आइतबार, साउन २७, २०८१ १७:०४

प्रतिक्रिया दिनुहोस्