एयर डाइनेस्टी हेलिकोप्टर दुर्घटनास्थल (तस्बिरहरू)

फोटो फिचर

गृहपृष्ठ
फोटो फिचर

एयर डाइनेस्टी हेलिकोप्टर दुर्घटनास्थल (तस्बिरहरू)स्थानीयले खबर गरेपछि घटना स्थल पुगेको प्रहरीले अहिले हेलिकोप्टर दुर्घटनास्थल सूर्यचौरमा उद्धार गर्नुका साथै पाँच वटै शव फेला पारेको जनाएको छ।

क्यापिटल नेपालबुधबार, साउन २३, २०८१

काठमाडौं । नुवाकोटको शिवपुरीमा एयर डाइनेस्टीको हेलिकोप्टर दुर्घटना हुँदा चालकसहित पाँच जनाको मृत्यु भएको नुवाकोट प्रहरीले बताएको छ।

बुधबार काठमाडौंबाट रसुवाको टिमुरेका लागि उडेको एयर डाइनेस्टीको हेलिकोप्टर शिवपुरीस्थित सूर्यचौरमा दुर्घटनामा परेको हो। दुर्घटनामा क्याप्टेन अरुण मल्लसहित हेलिकोप्टरमा सवार चिनियाँ पर्यटक जुदाड टाङ (पुरुष), जी लि (पुरुष), यियाद वु (महिला) र जेमिङ सी (पुरुष)को मृत्यु भएको हो।

प्रहरीले पाँचै जनाको शव फेला परेको पुष्टि गरेको छ। विमानस्थलबाट १ बजेर ५४ मिनेटमा रसुवाका लागि उडेको हेलिकोप्टर सूर्यचौरमा पुग्नासाथ सम्पर्कविहीन थियो। हेलिकोप्टर दुर्घटना भएलगत्तै शिवपुरीका स्थानीयले प्रहरीलाई खबर गरेका थिए।