क्यापिटलकर्मी कार्कीलाई ज्यान मार्ने धम्की दिनेविरुद्ध पत्रकारका छाता संगठनको आपत्ति

समाज

गृहपृष्ठ
समाज

क्यापिटलकर्मी कार्कीलाई ज्यान मार्ने धम्की दिनेविरुद्ध पत्रकारका छाता संगठनको आपत्ति

क्यापिटल नेपालबुधबार, साउन २३, २०८१

काठमाडौं। क्यापिटल नेपाल डटकमकर्मी दिलु कार्कीलाई समाचार लेखेकै कारण ज्यान मार्ने धम्की दिनेविरुद्ध पत्रकारका छाता संगठनले आपत्ति जनाएका छन्।

नेपाल आर्थिक पत्रकार संघ (नाफिज), महिला आर्थिक पत्रकर संघ (फेजा), नेपाल पत्रकार महासंघ एसोसिएट प्रदेश समितिलगायत पत्रकारका संगठनले आपत्ति जनाएका हुन्।

क्यापिटल नेपालडटकमले साउन २० मा पत्रकार कार्कीको बाइलानइनमा नक्कली ‘नमस्ते रेमिट’ कम्पनी खडा गरी अष्ट्रेलियाबाट हुन्डी कारोबार’ शीर्षकमा समाचार प्रकाशित गरेको थियो। सन् २०२३ देखि ‘नमस्ते रेमिट्यान्स अष्ट्रेलिया’ नामक वेबसाइट स्थापना गरी उच्च विदेशी मुद्रा सटही दर दिने भन्दै अष्ट्रेलियाबाट हुन्डी कारोबार गरिरहेको कम्पनीबारे लेखिएको समाचार डिलिट नगरे ज्यान मार्ने धम्कि मंगलबार पत्रकार कार्कीलाई फोनमार्फत् आएको थियो।

कम्पनीका ‘राजु’ नामका व्यक्तिले अष्ट्रेलियाबाट फोन गरेको बताउँदै समाचार नहटाए ज्यान मार्ने तथा परिवारका अन्य सदस्यलाई पनि हानि गर्ने धम्की दिएका हुन्।

उक्त धम्कीसँगै आर्थिक एवं अन्य पत्रकारका छाता संगठनले स्वतन्त्र रुपमा पत्रकारिता गर्न पाउनुपर्ने र र ज्यान पार्ने धम्की दिनु आपराधिक कार्य भएको बताउँदै त्यसको भत्र्सना गरेका छन्।

उक्त कार्यमा संगलग्नमाथि छानबिन गरी कानुनी दायरामा ल्याउन सरकारसँग पत्रकार संगठनहरुले माग गरेका छन्। पत्रकार कार्की नाफिज कोषाध्यक्ष हुन्।

प्रकाशित मिति: बुधबार, साउन २३, २०८१ १२:०३

प्रतिक्रिया दिनुहोस्