फाइल तस्बिर
गुल्मी । गुल्मीको मुसिकोट नगरपालिका–१ मा पहिरोले घर पुरिँदा चार जनाको मृत्यु भएको छ भने अन्य दुई घाइते भएका छन्।
पहिरोले बागलुङमा तीन जना बेपत्ता भएका छन्।
गुल्मीको मुसिकोट नगरपालिका बिसौनाका विष्णु विकको घर आज बिहान पहिरोमा पुरिँदा चार जनाको ज्यान गएको हो।
स्थानीय सञ्चारकर्मी माधव खरेलका अनुसार पहिरोमा परी ४५ वर्षका गोरे विक, ६७ वर्षीय हुकुम विक, ६६ वर्षीया मसुरी विक र दुई वर्षीया रियन्सी विकको मृत्यु भएको छ।
घाइते दुई जनालाई सकुशल उद्धार गरिएको छ। नेपाल प्रहरी र स्थानीयको सहयोगमा उनीहरूको उद्धार गरिएको हो।
यस्तै, बागलुङको बडिगाड गाउँपालिका–१० आरुपाटास्थित जोगलाल बुढाको घरगोठ पुरिँदा तीन जना बेपत्ता भएका छन्।
जोगलाल बुढाकी श्रीमती र दुई छोरी बेपत्ता भएका बागलुङका सहायक प्रमुख जिल्ला अधिकारी चित्रांगत बरालले जानकारी दिए।
घटनास्थल पुग्ने सडक अवरुद्ध भएको तथा प्रहरी र उद्धारकर्मी त्यहाँ पुग्न नसक्दा घटनाको पूर्ण विवरण प्राप्त नभएको गाउँपालिका अध्यक्ष गण्डकी अधिकारीले बताए।
केही बेरेपछि प्रहरी घटनास्थलतर्फ पुग्ने जिल्ला प्रहरी कार्यालयका प्रमुख ऋषिराम कँडेलको भनाइ छ।
