आइतबारदेखि संस्थागत लगानीकर्ताले जति पनि सेयर कर्जा पाउने, २० करोडको सीमा खारेज

बैंकिङ

गृहपृष्ठ
बैंकिङ

आइतबारदेखि संस्थागत लगानीकर्ताले जति पनि सेयर कर्जा पाउने, २० करोडको सीमा खारेज

क्यापिटल नेपालशुक्रबार, साउन १८, २०८१

काठमाडौं । नेपाल राष्ट्र बैंकले मार्जिन प्रकृतिको सेयर धितो कर्जामा संस्थागततर्फको २० करोडको सीमा खारेज गरेको छ। शुक्रबार परिपत्र जारी गरी कार्यान्वयन व्यक्तिगततर्फको सीमा यथावत राखि संस्थागततर्फको खारेज गरेको हो।

राष्ट्र बैंकले जारी गरेको परिपत्रमा भनिएको छ, ‘मार्जिन प्रकृतिको सेयर धितो कर्जाको एकल ग्राहक कर्जा सीमा कुनै एक वा सबै इजाजतपत्र प्राप्त संस्थाबाट सेयर धितोमा प्रवाह हुने मार्जिन प्रकृतिको कर्जाको अधिकतम एकल ग्राहक कर्जा सीमा कुल १५ करोड कायम गरिएको छ। तर, धितोपत्र बजारमा लगानी गर्ने मुख्य उद्देश्यले स्थापना भएका संस्थागत लगानीकर्ताका लागि यस्तो सीमा लागू हुनेछैन।’

यस व्यवस्थासँगै अब संस्थागत लगानीकर्ता (कम्पनी)ले बैंक तथा वित्तीय संस्थाले जति पनि सेयर धितो कर्जा लिन पाउने भएका छन्।

प्रकाशित मिति: शुक्रबार, साउन १८, २०८१ १६:४५

प्रतिक्रिया दिनुहोस्