साताको कार्टुनः लौ हेर्नुस्, प्रधानमन्त्रीले संशोधन चाहेपछि रोकिएको मौद्रिक नीति!

अर्थतन्त्र

गृहपृष्ठ
अर्थतन्त्र

साताको कार्टुनः लौ हेर्नुस्, प्रधानमन्त्रीले संशोधन चाहेपछि रोकिएको मौद्रिक नीति!

क्यापिटल नेपालशनिबार, साउन १२, २०८१

काठमाडौं। नेपाल राष्ट्र बैंकले साउन ४ मा सार्वजनिक गर्न ठिक्क पारेको चालू आर्थिक वर्षको मौद्रिक नीति एकाएक रोकिएपछि गाइँगुइँ चल्यो–कसले रोके होलान्? असार ३१ मा पदभार सम्हालेका नयाँ प्रधानमन्त्री केपी ओली वा उनैले आर्थिक/विकास सल्लाहकार नियुक्त गरेका पूर्वअर्थमन्त्री डा. युवराज खतिवडाले।

तर, प्रधानमन्त्री ओलीले संशोधन चाहेपछि मौद्रिक नीति रोकिएको ठानिएको छ। प्रधानमन्त्री केपी शर्मा ओलीका विकास सल्लाहकार डा. युवराज खतिवडाको सल्लाहपछि राष्ट्र बैंकले साउन ४ मा सार्वजनिक गर्ने भनिएको मौद्रिक नीति ११ साउन शुक्रबार सार्वजनिक भएको छ।

राष्ट्र बैंक व्यवस्थापन समितिले पारित गरिसकेपछि गर्भनर महाप्रसाद अधिकारीले साउन ४ मा प्रधानमन्त्री ओली र सल्लाहकार खतिवडालाई बिफ्रिङ गरेका थिए। शुक्रबार राष्ट्र बैंक सञ्चालक समितिको बैठक बसेर पारित गर्ने र दिउँसो सार्वजनिक गर्ने कार्यक्रम थियो।

तर, प्रधानमन्त्री ओलीको सल्लाहमा आर्थिक सल्लाहकार डा. खतिवडाले मौद्रिक नीतिमा केही संशोधन औंल्याएपछि सार्वजनिक नगरिएको बुझिएको छ। पूर्वगभर्नरसमेत रहेका प्रधानमन्त्रीका आर्थिक सल्लाहकार खतिवडाले नयाँ सरकारले मौद्रिक नीतिमा केही कुरा समावेश गर्न चाहनु स्वाभाविक रहेकाले साउन ४ मा रोकिएको प्रष्टीकरण दिएका छन्।

यसबाट पनि थाहा लाग्छ, ११ साउनमा सार्वजनिक मौद्रिक नीतिमा ओली चाहनाका बुँदा घुसाइएका हुन्। गभनर्र अधिकारी पनि एमाले समथर्क हुन्।

प्रकाशित मिति: शनिबार, साउन १२, २०८१ १४:०८

प्रतिक्रिया दिनुहोस्