लीलादेवी गड्तौला पहिलो महिला मुख्यसचिव

राजनीति

गृहपृष्ठ
राजनीति

लीलादेवी गड्तौला पहिलो महिला मुख्यसचिव

क्यापिटल नेपालबिहीबार, साउन १०, २०८१

काठमाडौं । सरकारले कामु मुख्यसचिव रहेकी लीलादेवी गड्तौलालाई मुख्यसचिव नियुक्त गरेको छ। बिहीबारको मन्त्रिपरिषद् बैठकले गड्तौलालाई मुख्य सचिव नियुक्त गरेको हो।

गड्तौला नेपालको पहिलो महिला मुख्यसचिव बनेकी हुन्। गड्तौलालाई यसअघि असार ३१ मा कामु मुख्यसचिवको जिम्मेवारी दिइएको थियो।

२०५२ मा न्याय सेवाअन्तर्गत कानुन समूहबाट शाखा अधिकृत बनेकी उनी उमेर हदका कारण आगामी भदौ १५ बाट सेवानिवृत्त हुनेछन्। यस आधारमा उनले ३५ दिन मात्रै मुख्यसचिवका जिम्मेवारी सम्हाल्नेछिन्।

गड्तौला २०६३ मा उपसचिव, २०७० मा सहसचिव,२०७७ मा सचिव भएकी थिइन्।

यसअघि पुष्पकमल दाहाल प्रधानमन्त्री हुँदा तत्कालिन मुख्यसचिव बै‌कुण्ठ अर्यालविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेर निलम्बित भएपछि सरकारले गड्तौलालाई वरिष्ठताका आधारमा कामु मुख्यसचिवको जिम्मेवारी दिएको थियो।

वि.सं. २०२३ भदौ १५ मा तेह्रथुममा जन्मेकी गड्तौलाकाे हालको ठेगाना सोलुको सल्यान हो।

प्रकाशित मिति: बिहीबार, साउन १०, २०८१ १६:५७

प्रतिक्रिया दिनुहोस्