नीति तथा कार्यक्रम र बजेट संशोधन हुन्छ : प्रधानमन्त्री

अर्थतन्त्र

गृहपृष्ठ
अर्थतन्त्र

नीति तथा कार्यक्रम र बजेट संशोधन हुन्छ : प्रधानमन्त्री

क्यापिटल नेपालआइतबार, साउन ६, २०८१

काठमाडौं । प्रधानमन्त्री केपी शर्मा ओलीले चालू आर्थिक वर्ष २०८१/८२ का लागि ल्याइएको नीति तथा कार्यक्रम र बजेटलाई संशोधन गरिने बताएका छन्।

प्रतिनिधिसभा बैठकमा बोल्दै प्रधानमन्त्री ओलीले निवर्तमान प्रधानमन्त्री पुष्पकमल दाहाल नेतृत्वको सरकारले ल्याएको नीति तथा कार्यक्रम र बजेटलाई संशोधन गरिने बताए।

सरकारलाई परिवर्तन महसुस भएको ठाउँमा विधि र पद्धतिमा रहेर नीति तथा कार्यक्रम र बजेट परिमार्जित गर्दै लगिने प्रधानमन्त्रीको भनाइ छ। बजेट कार्यान्वयनमा परिणाम निकाल्ने गरी सम्पूर्ण संयन्त्र परिचालित गरिने प्रधानमन्त्रीले प्रष्ट पारे।

सरकारको काम गर्ने क्षमता बढाउँदै विकास निर्माणलाई तिब्रता दिने प्रधानमन्त्रीको भनाइ छ। उनले हरेक मन्त्रालयले आफ्नो काम व्यवस्थित ढंगले गर्नुपर्ने, मन्त्रालयको कार्यक्षमता सूचक बनाउने र बजेट खर्चको मूल्यांकनका लागि विशेष व्यवस्था गर्ने बताए।

प्रकाशित मिति: आइतबार, साउन ६, २०८१ १४:२४

प्रतिक्रिया दिनुहोस्