एसबिआई बैंकको कञ्चनपुरस्थित गड्डाचौकीमा नयाँ एक्सटेन्सन काउन्टर

बैंकिङ

गृहपृष्ठ
बैंकिङ

एसबिआई बैंकको कञ्चनपुरस्थित गड्डाचौकीमा नयाँ एक्सटेन्सन काउन्टर

क्यापिटल नेपालबुधबार, साउन २, २०८१

काठमाडौं । नेपाल एसबिआई बैंकले कञ्चनपुर भन्सार कार्यालय गड्डाचौकीमा आफ्नो नयाँ एक्सटेन्सन काउन्टरको उद्घाटन गरेको छ।

उक्त एक्सटेन्सन काउन्टरको उद्घाटन नेपाल एसबिआई बैंकका प्रबन्ध निर्देशक तथा प्रमुख कार्यकारी अधिकृत दीपक कुमार दे र कञ्चनपुर भन्सार कार्यालयका प्रमुख भन्सार अधिकृत राजन बाबु काफ्लेले संयुक्त रूपमा गरेका थिए।

कार्यक्रममा बैंकका नायब प्रमुख कार्यकारी अधिकृत तथा प्रमुख वित्तीय अधिकृत राजेश कुमार पंडा, प्रमुख सञ्चालन अधिकृत यादवेन्द्र कान्त, प्रमुख व्यवसाय प्रवर्द्धन अधिकृत रितेश अर्याल र बैंक तथा भन्सार कार्यालयका अन्य वरिष्ठ पदाधिकारीसमेतको उपस्थिति रहेको थियो।

उक्त एक्सटेन्सन काउन्टरले व्यवसायी तथा अन्य सेवाग्राहीलाई उनीहरूको वित्तीय/भन्सार सम्बन्धी बैंकिङ सेवालाई सुव्यवस्थित गर्ने लक्ष्य राखेको छ।

साथै, नेपाल एसबिआई बैंकले आफ्नो भीमदत्त नगरपालिका–५, महेन्द्रनगर कञ्चनपुर क्याम्पस रोडमा अवस्थित महेन्द्रनगर शाखा सोही नगरपालिकाको वडा नम्बर-४ स्थित ४ नम्बर गल्लीमा स्थानान्तरण गरी नयाँ परिसरबाट सेवा शुभारम्भ गरेको छ।

प्रकाशित मिति: बुधबार, साउन २, २०८१ २१:५१

प्रतिक्रिया दिनुहोस्