सरकार परिवर्तन हुने खबरपछि सेयर बजारमा सर्किट ब्रेक, २० मिनेटका लागि कारोबार बन्द

सेयर

गृहपृष्ठ
सेयर

सरकार परिवर्तन हुने खबरपछि सेयर बजारमा सर्किट ब्रेक, २० मिनेटका लागि कारोबार बन्द

क्यापिटल नेपालमंगलबार, असार १८, २०८१

काठमाडौं। सरकार परिवर्तन हुने खबरसँगै सेयर बजारमा पहिलो सर्किट ब्रेक लागेको छ। एमाले र कांग्रेसबीच राष्ट्रिय सहमतिकाे सरकार बनाउने सहमति भएपछि मंगलबारको सुरु काराेबारमै सेयर बजारमा पहिलो सर्किट ब्रेक लागेको हो।

मंगलबार बजार खुलेको दोस्रो मिनेटमै नेप्से सूचक ४ प्रतिशतले बढेपछि पहिलो सर्किट लागेर २० मिनेटका लागि कारोबार बन्द भएकाे छ। २० मिनेटपछि नेप्सेमा पुनः सेयर कारोबार खुल्नेछ।

कारोबार सुरु भएको १ मिनेटमै बजार परिसूचक नेप्से ४ प्रतिशतले बढेपछि पहिलो सर्किट लागेको हो। नेप्से परिसूचक अघिल्लो दिनको तुलनामा ८२ अंक (४ प्रतिशत) बढेको छ। पहिलो सर्किट ब्रेक लागेपछि २० मिनेटका लागि कारोबार रोकिएको छ।

२१६ कम्पनीको मूल्य बढेको छ भने एउटाको घटेको र दुईको स्थिर छ।

कारोबार सुरु भएको पहिलो घण्टा अर्थात् ११ देखि १२ बजेको बीचमा ४ प्रतिशतले, दोस्रो घण्टा ५ प्रतिशतले र त्यसपछि ६ प्रतिशतले घटे वा बढे सर्किट ब्रेक लाग्ने व्यवस्था छ।

प्रकाशित मिति: मंगलबार, असार १८, २०८१ ११:२१

प्रतिक्रिया दिनुहोस्