रकमान्तर खुला गर्ने अर्थको प्रस्तावलाई मन्त्रिपरिषद्को स्वीकृति

अर्थतन्त्र

गृहपृष्ठ
अर्थतन्त्र

रकमान्तर खुला गर्ने अर्थको प्रस्तावलाई मन्त्रिपरिषद्को स्वीकृति

क्यापिटल नेपालबिहीबार, असार १३, २०८१

काठमाडौं । मन्त्रिपरिषद बैठकले पुँजीगत खर्च तथा अनिवार्य दायित्वमा रकमान्तर गर्ने बाटो खुलाइदिएको छ। गत शुक्रबारको मन्त्रिपरिषद बैठकले रकमान्तरको बाटो खुला गरिदिएको हो।

चालू आर्थिक वर्षको बजेटमा असार महिनामा रकमान्तर र कार्यक्रम संशोधन गर्न नपाइने विषय उल्लेख गरिए पनि अन्तिम समयमा आएर यसलाई उल्ट्याइएको हो।

विनियोजन ऐनको दफा १० मा आवश्यक व्यवस्था गर्न सक्ने व्यवस्था छ। सोही व्यवस्था अनुसार यो ऐन कार्यान्वयन गर्दा कुनै बाधा उत्पन्न भएमा मन्त्रिपरिषद्ले आदेश जारी गरी आवश्यक व्यवस्था गर्न सक्ने उल्लेख छ।

यहीँ व्यवस्थामा टेकेर अर्थ मन्त्रालयले विनियोजन ऐनले दिएको अधिकार प्रयोग गर्दै रकमान्तर खुला गर्ने प्रस्ताव मन्त्रिपरिषद‍्मा पेस गरेको थियो। अर्थले तलब भत्ता तथा पुँजीगत प्रकृतिको खर्चमा रकमान्तर खुला गर्नु पर्ने प्रस्ताव राखेको थियो। सोही प्रस्तावअनुसार मन्त्रिपरिषद बैठकले रकमान्तको अनुमति दिएको हो।

प्रकाशित मिति: बिहीबार, असार १३, २०८१ १७:५७

प्रतिक्रिया दिनुहोस्